Groei gewoontes – Hanteer die stres

/in , /by

[powerpress]

Goeie môre en soos altyd wat ‘n voorreg om vanoggend saam met julle te kuier en te leer.

Ons is besig in ons reeks groei gewoontes en sluit ook af met die reeks. Volgende week begin ons met nuwe reeks genoemd nooit weer nie, maar vandag gesels ons oor die groei gewoonte van hanteer die stres.

Wie wens al dit was vakansie, wie wens al die jaar is verby dat jy net breek kan kry. Wie is baie, baie bekommerd want daar is nog 8 Sondae oor dan is dit December en daar is nog ’n pophuis vol werk wat moet gebeur.

Al hierdie goed stres ons uit en ons worry en dit alles maak ons moeg en oud. Al ooit iemand gesien wat deur baie moeilike tyd gaan en stress is hoog en dan sien jy hulle weer en dink sjoe hy lyk moeg en asof hy oornag oud geraak het.

Dis wat stres doen, dit maak ons dood. Ek praat nie van jy staan op die kant van die pad kar verloor beheer en jy sien dit en jou stres vlakke gaan op jou hart klop vinniger meer bloed vloei en adrenalien skop in en jy spring uit die pad uit. Dis goeie stres maar meeste mense vandag leef in chroniese stres.

Ons is heeltyd op hyper alert, ons is altyd gejaagd want ons het nooit genoeg tyd nie, ons is heeltyd opgewen en onderdruk en moeg. Die probleem is dat ons liggaam skakel nooit af nie, ons breine skakel nooit af nie.

Baie studies het bewys dat om onder chroniese stres te leef beskadig ons breine maar ook ons liggame en is besig om ons dood te maak.

En vandag gaan ons kyk en leer vanuit Ps. 23 hoe om stres teen te werk en minder stres te hê of dit beter te hanteer sodat ons kan groei.

Nou net vinnig daar is baie goed wat stres veroorsaak maar die 7 mees algemene faktore is:

  1. Bekommernisse: Daar is so veel meer goed om oor te bekommer deesdae, Jou selfoon te verloor 20 jaar terug was dit nie ’n bekommernis nie, of jou selfoon is pap en nou kan niemand jou bel nie of jou airtime is op of jou data is op. Identity theft dat iemand jou informasie steel of jou hack.
  2. Gejaagdheid. Ons leef in tyd wat alles net so gejaagd is. Die pas van die lewe is vinnig die hele tyd. En almal soek alles nou. Spoed veroorsaak stres.
  3. Groot groepe.  Die wêreld en ons stad raak net voller en voller. Meer mense op die pad meer mense wat werk soek.
  4. Meer keuses.   Dit is meer paralyzing.  Dit veroorsaak dat ons sukkel om besluite te maak. Jy moet heeltyd keuse op keuse doen. Net om ’n capo te drink is 20 qeustions. Skinny or regular, Short, tall or grande, cream, froth by seker plekke as jy cream vat vanilla or chocolate. Dan is ek soos cancel die capo gee my net water asb. Bottle or tap, Ice with lemon or just ice or without ice and lemon. Come on
  5. Geen privaatheid nie.  Moderne wêreld is daar altyd altyd iemand wat jou dophou.
  6. Diversiteit van ons samelewing.  Waar jy beweeg werk bly skool gaan eet is daar verskillende mense met verskillende gelowe en waardes en kulture. Dit veroorsaak konflik en konflik veroorsaak stres.
  7. Bang vir die toekoms. Ons is bang vir hoe die toekoms gaan uitwerk en wat in toekoms gaan gebeur.

Nou vandag kyk ons na seker die mees bekendste Psalm in die bybel.

Psalm 23:1-6

Die Here is my herder; daar is niks wat my ontbreek nie. 2 Hy laat my lê in groen weivelde; na water waar rus is, lei Hy my. 3 Hy gee my nuwe krag. Hy lei my op die pad van geregtigheid tot eer van sy Naam. 4 Wanneer ek loop in ’n baie donker kloof, sal ek nie bang wees nie, want U is naby my. U stok en u staf beskerm en ondersteun my. 5 U berei vir my ’n feesmaal voor die oë van al my vyande. U verwelkom my as ’n eregas deur my kop te salf met olie en my beker oorvol te maak. 6 Waarlik, u goedheid en trou vergesel my al die dae van my lewe; en ek sal bly in die huis van die Here so lank as wat ek lewe.

Wanneer ek en jy die metafore verstaan dan is dit ’n model vir stres verligting.

Ons gaan na Psalm 23 kyk lyn vir lyn en in Ps. 23 is daar 7 gewoontes wat ek en jy kan leer en moet begin den sodat ons stres vlakke minder kan raak.

6 Gewoontes om stres te hanteer:

1. Kyk na God om al jou behoeftes te vervul.  Dit moet jou rustig maak. Dit gaan keer dat jy teleurgestel gaan word. Ons stres raak minder wanneer ons ophou na ander mense of goed kyk om ons behoeftes te vervul. Wanneer jy ophou na jou vrou kyk of jou man kyk of na jou werk of kinders kyk om jou behoeftes te vervul raak jou stres minder.

Vers 1 Die Here is my herder; daar is niks wat my ontbreek nie.

Die boodskap sê dit so mooi: Die Here sorg vir my soos ’n herder wat sy skape oppas; ek het niks meer nodig nie.

Sodra ek na God kyk en hom vertrou om te voorsien in al my behoeftes. Om te voorsien in alles wat Hy vir my wil en droom raak my stres minder. U sien al die ander goed wat ons na kyk is tydelik en feilbaar dit kan enige oomblik verdwyn of teleurstel.

Nie God nie God is ewig en hy het ons gemaak en weet wat is goed en reg vir ons. Hy weet wat het Ns. Nodig want hy is ons herder. én soos skape hulle herder vertrou vir alles wat hulle nodig het kos en beskerming moet ons God vertrou.

So volgende keer as jy gestres raak draai na die God toe sê Die here is my Herder ek kom niks kort nie.

2.     Gehoorsaam God se opdrag om te rus.

Ek moet God se opdrag om te rus gehoorsaam. Dis so belangrik dat God Moses dit laat in skryf het in die groot 10, waar dit saam met om getrou te wees aan jou man of vrou, saam met nie mense doodmaak nie of om te steel nie. So rus is belangrik en as ons dit nie den nie dan is dit op selfde level as om te steel of dood te maak.

So baie van ons stres is omdat ons probeer op van of bybly. Jou inbox bly net voller en voller raak, daar gaan altyd nog iets wees wat gedoen moet word of gedoen kan word of nagevors kan word om dinge beter te doen. Ek dink nee ek weet God het geweet die tyd gaan kom waar mense 24 uur connected gaan wees deur nag kan werk as hulle wil en net aanhou en aanhou.

En daarom kom God en hy wys ons selfs in die begin van alles dat 6 dae maak hy die Heelal die aarde en alles daarin en die 7de dag rus hy. Al ooit gewonder hoekom? Want god was nie moeg nie, want God raak nie moeg nie, hy doen dit want hy wil vir my en jou die voorbeeld stel dat ons besef ons het ’n dag nodig om te rus.

God sê dit is vir jou voordeel.  Jesus kom en sê Markus 2:27 Toe sê Hy vir hulle: “Die Sabbat is daar ter wille van die mens – nie die mens ter wille van die Sabbat nie. Mense dink hulle het nie nodig om te rus nie. Kyk wat sê Vers 2

Hy laat my lê in groen weivelde; na water waar rus is, lei Hy my.

Die Engels sê  He makes me lie down. Hoekom want as jy die nie doen nie, dan sal jou liggaam jou forseer om dit te doen. As jy nooit rus nie dan raak jy siek en sieker en sieker en op stadium dan gee jou liggaam net in, of jy sal depressief en moedeloos en wil net opgee want alles is net te veel effort.

As jy wil groei as jy op jou beste wil wees dan moet jy rus jy moet genoeg slaap. Hoor wat sê Eksodus 34:21 “Ses dae lank moet jy besig wees met jou werk. Op die sewende dag moet jy ophou, selfs al is dit planttyd of oestyd.

6 dae moet jy werk.  7de dag moet jy rus.  Selfs in jou besigste seisoen. Dis amper einde van die jaar en dinge is rof, jy moet steeds tyd maak vir rus, Baie van my vriende en ons het klein kids en dinge is rof dis belangrik vir hulle en ons om tyd te maak om te rus.

Het jy ’n Sabbat? Baie van ons het nie, want ons kom kerk toe en dan gaan ons huis toe en dadelik begin ons werk aan wat ons nie tyd voorgehad het in die week of nie kla gekry het in die week nie.

Wat moet jy doen op jou Sabbat?

Rus jou liggaam.  Fisies.

Her Fokus jou gees tot die Vader. En julle doen dit nou deur te kom Worship en kerk toe te kom. Deur deel van groep te wees Selgroep of Dissipelskap.

Herlaai jou siel en emosies. En verskillende goed herlaai mense, vir party is dit oefen, party is dit lees of skryf of stap in die natuur al is dit deur net in jou agterplaas te gaan sit vir tyd in die son, vir sommige is dit slaap of tuin maak. Dalk is dit om te chill saam met vriende. Vind uit wat dit is wat jou herlaai wat jou energie emmer vol maak en kry tyd om dit te doen saam met mense maar maak ook tyd vir alleen wees. Wat is dit vir jou?

Sondag is vir meeste mense die maklikste dag vir Sabbat vier, maar dit hoef nie ’n Sondag te wees nie. My Sabbat is Vrydae want ek werk Sondae. Laas week het ek nie Sabbat gedoen nie, Chantal was in Hospitaal vir operasie en Ek het probeer Durandt besighou en hospitaal besoeke en alles. Maar die week het ek dit gevoel my emosies was leeg my energy was min my gees was deurmekaar. Die hele week gesukkel met kopseer nek wat styf is. Sabbat en rus is belangrik. Wanneer is jou Sabbat?

Baie mense sê well, ek voel skuldig as ek rus of Sabbat doen, Jesus het nie.  Jesus het dikwels eenkant gegaan. Want hy het besef om sy beste te gee vir die mense om hom het hy nodig gehad om te rus te herlaai en sy gees te her fokus tot die Vader.

3.     Gaan na God vir leiding

Hoor wat sê Vers 3: Hy gee my nuwe krag. Hy lei my op die pad van geregtigheid tot eer van sy Naam.

Een van die goed wat baie stres veroorsaak is om die regte besluite te maak. Is dit wat ek nou doen of besluit die regte ding. In die kerk hoor ons gereeld mense wat sê ek wil doen wat God van my vra of ek wil God se wil doen. En dan vra ons baie keer mense wat is dit en ons luister na preke op preke en woon kursusse by en dit is alles hulpmiddels maar as jy wil weet wat die volgende stap is of die regte keuse is dan moet jy na God toe gaan. Hy is die herder hy is die een wat weet.

Jakobus 1 :5 Vra vir God as dit nie vir jou duidelik is wat Hy wil hê jy moet doen nie. Hy sal jou eenvoudig daardie wysheid gee, en jou nie verwyt dat jy dit gevra het nie.

As jy wysheid nodig het as jy leiding nodig het vra God. Nie Oprah of jy buddies nie vra God en dan wag lees sy woord, word stil en op die regte tyd sal God jou leiding gee. Dalk nie dadelik nie, maar op die regte tyd.

4.     Vertrou God in die donder klowe.

Ons almal gaan deur donker klowe op een of ander stadium. Jy verloor ’n geliefde, jy verloor jou werk, jy verloor jou geld of jou gesondheid, Mense maak jou seer of stel jou teleur. En jy is in die donker kloof dis belangrik dat jy nie vrees nie, jy moet rou maar nie vrees nie.

As jy nie rou oor verloor of teleurstelling nie gaan jy nie kan aan beweeg nie. As jy daai emosie net onderdruk of afdruk of ignoreer gaan jy in daai donker kloof bly en bang wees. Ons mag en moet treur oor goed dis hoe ons deur moeilike stadiums kom.

Nêrens in die Bybel sê dit jy mag nie hartseer wees of treur of rou nie. Die Bybel vertel ons dan dat Jesus self hartseer was en gehuil het en getreur het.

Maar die Bybel s♪6 gereeld dat ons nie moet bang wees nie. 365 keer sê die Bybel moet nie bang wees nie. Hoekom want vrees maak ons lam. EK het hoogtevrees as ons op hoë plekke is, kan ek amper nie beweeg nie ek sukkel om te praat.

Ps. 23:4 Wanneer ek loop in ’n baie donker kloof, sal ek nie bang wees nie, want U is naby my. U stok en u staf beskerm en ondersteun my.

Die Ou vertaling sê al gaan ek deur ’n dal van doodskaduwee. En van julle gaan dalk deur skaduwee van skuld, of skaduwee van depressie, of Skaduwee van konflik of siekte.

Maar die waarheid oor Skaduwees is hulle is baie scary maar skaduwees kan jou nie seermaak nie. Trok ry or jou dis seer maar as trok se skaduwee oor jou gaan niks. Skaduwees is baie keer groter as hulle bron.

Maar wat ons besef is vir ’n skaduwee om daar te wees moet daar lig wees. Wil jy nie vandag eerder jou rug draai op die skaduwee en eerder draai na die lig toe nie na die herder toe nie.

Jy hoef nie al die antwoorde te ken nie, maar jy moet God ken. Dis hoe ons Stress hanteer en verminder.

5.     Laat God jou verdedig.

Konflik, teenkanting mense wat jou wil aanval en seermaak. Mense wat jou nooit gelukkig wil hê nie.

Wat is ons natuurlike reaksie op dit. Ons wil hulle terug kry, revenge, maar die realiteit is dan is jy niks beter as hulle nie. Daar gaan altyd mense wees wat nie van jou gaan hou nie.

En die probleem is dat dit raak al hoe makliker om anoniem mense seer te maak deur die internet.

Hoe moet ons die mense hanteer die moeilike antwoord is ons moet nie, God sal. David het iets daarvan verstaan. Groot gedeelte van sy lewe hardloop hy weg vir koning wat hom wil doodmaak, maar nooit het David terug bakei of aangeval nie. Hy sou nooit eers iets sleg van die koning sê nie. En in daai tyd was God besig om David te vorm ’n man na sy hart.

Al wat David gesê het, is

Ps. 23:5 U berei vir my ’n feesmaal voor die oë van al my vyande. U verwelkom my as ’n eregas deur my kop te salf met olie en my beker oorvol te maak.

Hy is soos Here goedheid is so groot en U blessings is so baie my hoof is gesalf en my beker loop oor dis morsig eintlik.

Psalm18:2-3

2 Hy het gesê: Ek het U baie lief, Here; U is my sterkte. 3 Die Here is my rots, my vesting en my redder, my God, en my rots

by wie ek skuil. Hy is my skild, my magtige redder, my veilige vesting.

Klink David gestres nee maar hy skryf dit in ’n grot besig om weg te kruip vir die wat hom wil doodmaak. Hy is soos Here u sal my beskerm en by my wees.

As ons aan Jesus dink wie het hom aan geval – die kerkmense het Jesus aangeval.  Nie die sondaars nie. Hulle het gesê Seun van die duiwel.  Duiwel self.  Kom van die duiwel.  Jesus het hulle nie reggehelp nie.  Hy het stilgebly.  Pilatus.

Is dit waar, vra Pilatus?  Jesus het nie eers ’n woord gesê nie.

Wanneer ons stilbly in oomblikke wat ons aangeval word dis in daai oomblikke wat ons meer soos Christus is.

Hoor wat sê Petrus 4:19As julle dus ly omdat julle doen wat God wil hê, moet julle aanhou goeddoen en julle lewe oorlaat aan God wat julle gemaak het. Hy sal julle nooit in die steek laat nie.

Hy sal jou nooit in die steek laat nie.

6.     Verwag dat God die werk sal klaar maak wat hy begin het

Is jy ’n wat as persoon? Iemand wat baie keer sal sê maar wat as dit gebeur, of ja maar wat daarvan, as jy is, sal jy baie stres in jou lewe hê.

Psalm23:6

Waarlik, u goedheid en trou vergesel my al die dae van my lewe; en ek sal bly in die huis van die Here so lank as wat ek lewe.

Daar is 2 maniere om na die toekoms te kyk wat as of goedheid en guns sal my volg.

Verwag dat God sy werk sal kla maak vra hom om dit kla te maak.

Nagmaal

Vriende vanoggend is dit ook ons voorreg om nagmaal te gebruik en ek wil die wat nagmaal gaan bedien nooi om so lank reg te maak.

Hoe ons gaan nagmaal gebruik is deur dit uit te deel en ek wil jou vra om dit te hou en dan as almal dit het, sal ek bid en dan kan ons dit saam gebruik.

Julle kan uitdeel.

Vriende terwyl jy wag wil jy nie onthou vanoggend dat hierdie simbool ingestel is deur Jesus self nie. Dalk is stres besig om jou onder te kry, kom na hom toe vanoggend en vra God om jou te help. Besef vanoggend Hy is meer as genoeg vir jou, dalk het jy Sabbat nodig maar jy weet nie waar jy tyd gaan kry nie vra hom om jou te wys en help jou tyd beter te hanteer, vra hom vandag vir sy leiding gee die stuur terug vir God, dalk word jy deur doods skaduwees omring draai na Hom toe, laat toe dat God jou verdedig en vertrou dat Hy die werk sal kla maak wat hy begin het.

Kom ons bid saam.

 

Onthou jou eerste liefde en werke

/in /by

[powerpress]

Die hoogste bergpiek in die wêreld is Mount Everest.  Hulle bereken dat sowat 1300-1600 mense die berg al geklim het sedert 1921.  Omtrent so 160 mense het al gesterf terwyl hulle die berg geklim het.

Dit beteken dat so 1 uit 8 mense sterf terwyl hulle die berg klim.  Wat laat mense sowat $60 000 betaal en ‘n berg in onder vriespunt toestande klim en die kans is 1 uit 8 dat jy nie sal oorleef nie?

Vraag:  Wat is die mees gevaarlikste om te klim – die berg op of af?

Meer mense het gesterf op pad van die berg af as hulle wat die berg opgeklim het.

Daar is ook ‘n geestelike les daarin:  Jy moet baie versigtig wees as jy op ‘n geestelike hoogtepunt in jou lewe is.  Of ons moenie dink dat as ons vandag op ‘n goeie geestelike plek is dat ons môre ook daar sal wees nie.

Van ons is dalk na ons “Transformed” reeks op ’n goeie geestelike plek omdat ons elke dag die moeite gedoen het om tyd te maak vir jou verhouding met die Here.

Die lewe is ‘n reeks van ‘ups’ en ‘downs’.  Ons kan niks doen om dit te keer nie.

Die lewe bestaan uit die goeie en slegte.  Daar is geen waarborg om net goeie te hê nie.

 

Dit is ook nie moontlik om op ‘n geestelike hoogtepunt te bly nie.

Jy kan maar kyk na elke man en vrou van God in die Bybel en jy sal die patroon sien.

Hulle beleef wonderlike dinge van God en dan is hulle weer op ‘n laagtepunt (Leeukuil, vis se maag, op ‘n boot wat gaan sink ens.)

Christus het aan die kruis gesterf (laag) maar Hy is weer opgewek (hoog).

Jesus word gedoop in die Jordaan (hoog) direk daarna gaan hy die woestyn in om versoek te word (laag).

 

Openbaring 2:2-5       “Ek weet alles wat julle doen. Ek ken julle onvermoeide arbeid en julle volharding. Julle kan nie slegte mense verdra nie. Julle het ondersoek ingestel na die mense wat voorgee dat hulle apostels is, en dit nie is nie, en gevind dat hulle leuenaars is.  Verder volhard julle ook; julle het baie vir my Naam verduur, en julle het nie moeg geword nie.  Maar Ek het dít teen julle: julle het My nie meer so lief soos in die begin nie.  Dink daaraan hoe ver julle al agteruitgegaan het. Bekeer julle en doen weer wat julle in die begin gedoen het. Anders, as julle julle nie bekeer nie, kom Ek na julle toe en sal Ek julle lamp van sy plek af wegvat!”  NAV

Was jou hart al ooit iewers en nou is hy koud teenoor iets of iemand?

 

HOE LYK “EERSTE LIEFDE”?

1.      Daar is ‘n onversadigbare begeerte om meer van die ander persoon te leer ken

Baie mense begin so – foto van verliefdes in hulle beursie.

Spandeer amper al jou tyd saam, as julle gaan uiteet gesels julle actually met mekaar.

2.      Daar is groot belegging in die verhouding

Daar word dinge gekoop, geskenkies, blomme, chocolates.

Niks is te groot of te moeilik om te doen nie.  Daar is nie eers sprake van opoffering nie.

Maar bly dit so?

3.      Daar is intense aandag van jou hart!

Daar word gedroom oor die toekoms saam, jy is op ‘n wolk meeste tyd van die dag.

Niks ontstel jou nie, jy is net op hierdie pad van liefde en vrede vir almal.

Al jou aandag en toewyding behoort aan die persoon.

 

WAT KAN MET SO `N LIEFDE GEBEUR?

Openbaring 2:4          “… julle het My nie meer so lief soos in die begin nie.”  NAV

Dit sê:  Jy het jou eerste liefde verlaat.  Dit was ‘n keuse.  Eintlik is reeks keuses.

Sommige van julle is nou net deur die ‘Transformed’ gekom – jou verhouding met die Here is op ‘n hoogtepunt.  Moenie daarvan afwyk nie.

 

Joh. 4:13-15      “Wel, elkeen wat van hierdie put se water drink, sal na ’n rukkie weer dors word,” antwoord Jesus. “Wie egter van die water drink wat Ek hom of haar sal gee, sal nooit, nooit weer dors word nie. Daar sal iets in daardie persoon gebeur.”  Boodskap

 

As jy honger en dors na God, sal jy altyd bevredig word, Maar ons almal weet daardie honger moet gevoed word met die regte brood.

Te maklik wil ons ons dors les met water wat nie van Hom af kom nie.

Te maklik wil ons brood eet wat van plekke afkom wat ons net word honger laat ly.

Toe ek my Doktorsgraad gedoen het, baie lank gelede het ek met mense gepraat wat ophou kerk toe gaan het en ek het hulle gevra, wat het gebeur?  Net een vraag.

Deur die bank was hulle antwoord: Ek was geestelik op ’n goeie plek.

Iets het gebeur.  Feitlik vir almal was dit iets anders.  Teleurstelling in mense en leiers.

Kwaad omdat slegte dinge gebeur het waaroor hulle nie beheer gehad het nie.  Ens.

Dan: Sonder uitsondering – almal het nadat hulle onttrek het geestelik begin afkoel en geestelik begin agteruitgaan in hulle eie woorde.

 

Jesus sê vir die gemeente in Openbaring – Ek het dit teen julle, julle het julle eerste liefde verlaat.  Hoekom?  Julle doen nie meer die eerste werke nie.

Dalk het hulle elke dag tyd gemaak om ’n paar minute saam met God te spandeer.

Nou het die gejaag en die dinge wat hulle dors begin les het belangriker geword.

Wanneer dit gaan oor liefde in jou lewe, wat het jy in die begin gedoen wat jy nou nie meer doen nie?

 

As daar werklik ’n liefde vir God in jou lewe al was, sal jy weet, dit het nooit gegaan oor plig nie.  Dit het nooit gegaan oor opoffering nie.  Dit het alles gegaan oor begeerte en liefde. Een van my geestelike mentors het altyd vir ons gesê, “wanneer jy uitspan, dan span die duiwel jou in.”

En met die jare het ek dit al oor en oor gesien.  Ek is moeg vir my bediening, ek wil net so paar maande rus, dan kom ek weer terug.  Baie selfde gebeur dit.

 

Ons groei wanneer ons uitgedaag word, wanneer ons soms ongemaklik voel, wanneer ons deel van verhoudings en struktuur is.

Die teendeel is ook waar.  Ons hou op groei wanneer ons begin gemaklik raak, wanneer ons onttrek van verhoudings, wanneer ons tyd vir ons belangriker as God se tyd raak.

Jy gaan verseker nie groei as jy uitspan nie.

Ons groei deur commitments te maak en daarby te hou.

 

Wat sê Jesus vir die gemeente in Openbaring?

1.      Onthou (v. 5)

Onthou die commitments wat jy al gemaak het.  Onthou jou eerste werke, die dinge wat jy gedoen het.  Onthou jou eerste liefde.

Moenie toelaat dat die saad wat in jou hart gesaai is opgepik word nie.

 

2.      Bekeer jou (v. 5)

Bekering beteken… om jou gedagtes te verander.  Om van die rigting waarin jy jou geluk soek te verander.  Jy sien, wanneer jou gemak vir jou belangriker word as God se wil dan begin jy jou geluk soek in genot.

Niks daarmee fout om dinge te geniet nie, maar wat maak jou gelukkig?

God en om in Sy wil te lewe elke dag OF om te doen wat jy geniet en jou geluk daarin te vind.

 

Geluk is nie IETS nie maar IEMAND.  En daardie Iemand is Jesus self.

Bekering is nie net ‘n eenmalige gebeurtenis in ‘n mens se lewe nie – dit is ook iets wat gereeld in jou lewe moet gebeur.

Bekering sê:  Ek erken dat ek nie is waar ek moet wees nie en ek draai om na die plek waar ek graag wil wees.

Klaag. 3:40  “Laat ons ons doen en late deeglik ondersoek en ons tot die Here bekeer.”

 

3.      Doen wat jy gedoen het / moet doen (v. 5)

Ons het in ons Transformed reeks doelwitte vir verskillende areas van ons lewe gestel.

Doen jy dit nog?  Of soos Steve verlede week gesê het, die begin daarvan alles is die geestelike.

Dan, watter een ander doelwit het jy vir jou lewe gestel waaraan jy gereeld werk?

Hou jy daarby?  Of is dit net nog ’n goeie intensie waarby jy nie hou nie?

 

Om die regte ding te doen voel nie altyd reg nie.  Maar dit hoef nie te wees nie.

  1. 4.   Aksie sal lei tot emosie

Ons maak meeste besluite gebaseer op ons emosie.  As dit reg voel dan doen ons dit.

As dit nie nou reg voel nie, dan doen ons dit nie.

Maar as jy die regte dinge doen, sal dit nie altyd reg of lekker voel nie.

Veral as jy werk aan areas van jou karakter of lewe waarin jy graag wil verbeter voel dit gewoonlik nie vir ons reg of lekker nie.

Beteken dit dat ek nie dit moet doen nie?  Nee, wanneer daar weerstand in ons is, is dit dikwels vir ons ’n teken dat daar ’n groei area is waaraan gewerk kan word.

 

Daar is sekere dinge waarvoor ons feitlik nooit lus is nie.  Verskoon my voorbeeld maar ek kon nie aan iets beter dink nie.  Dinge soos tandeborsel.

Beteken dit dat ek nie my tande moet borsel wanneer ek nie lus daarvoor is nie.

Nee, want ek weet dat ek wanneer ek aanhou met daardie slegte gewoonte wat kan ontwikkel later nie meer dinge wat eintlik vir my lekker is soos ’n smaaklike bord kos en sekere kosse sal kan geniet as ek nie meer tande het nie.

 

2 Corinthians 8:11     “Having started the ball rolling so enthusiastically, you should carry this project through to completion just as gladly…Let your enthusiastic idea at the start be equaled by your realistic action now.”  LB

Philippians 3:16         “Now that we’re on the right track, let’s stay on it.”  Message

Ons groei deur commitments te maak.  Of dit is om in te skryf vir ’n kursus, om in ’n verhouding ’n commitment te maak, Geestelike commitments te maak.  Sonder commitments is vooruitgang in ons lewe feitlik onmoontlik.

 

Maar ons almal weet daar is ’n ou natuur in elkeen van ons wat nie jou van commitments nie.  ’n Ou natuur wat sê die lewe gaan oor my.

’n Ou natuur wat genot, gerief en gemak die hoogste prioriteit in die lewe maak.

So wat maak ek met hierdie ou natuur wat elke nou en dan sy kop wil uitsteek?

Die ou ek moet weer sterf.  Die ou ek moet deur God se Gees gelei word elke dag.

 

AS JY FAAL, ONTHOU GOD FAAL NOOIT NIE

•        God se sorg hou nooit op nie.  God is nie net ‘n mooiweersvriend nie.

•        God se liefde hou nooit op nie.  Selfs al maak jy foute, Sy liefde hou nooit op nie

 

Wanneer jy ’n droom het om iets te doen dan doen jy alles in jou vermoë om ’n aksieplan in plek te kry sodat daardie droom ’n realiteit kan word.

Soms raak die pad styl en moeilik soos om ’n berg, Mount Everest te klim.

In ’n stadium wil jy opgee, jy wil nie aangaan nie.  Dan kom die Sherpa’s in.

Dit is gidse wat jou help, wat vir jou sê wat jy nou moet doen, wat ervaring het om ’n berg te klim.  Die Sherpa’s sê vir jou, sit net een voet voor die ander een.

Gee net een tree in die regte rigting, dis al.  En as jy klaar is nog ’n tree.

Wat is jou volgende stap in jou geestelike reis?

Groei gewoontes – Hoe hou ek aan groei?

/in , , /by

[powerpress]

Goeie môre en soos altyd wat ‘n voorreg om vanoggend saam met julle te kuier en te leer.

Ons het so pas kla gemaak met die reeks wat genoem is Transformed, nou as jy dalk vanoggend besoek vir die eerste keer of dalk was jy nie die kwartaal hier nie het ek goeie en slegte nuus.

Die slegte nuus is jy het uit gemis op ’n een van die beste mees transformerend reekse wat ons nog ooit gedoen het. Die terugvoer wat ons kry is dat mense getuig van hoe die Here besig is om hulle hele lewe te verander.

Die goeie nuus is dat jy steeds die reeks kan doen en na luister. Jy kan agter by Linda ’n reeks gaan koop en luister of bestel as dit uit verkoop is of jy is welkom om elke preek te gaan luister en lees op die internet op ons webblad Impetus.co.za.

Net sodat almal op dieselfde bladsy is vanoggend. Ons het gekyk na die 7 mees belangrikste areas die Engelse sê key areas van ons lewe waar in God wil hê ons gesond moet in wees so dat ons daai lewens kan leef wat hy in sy woord belowe ’n lewe wat vol is ’n oorvloedige lewe. Joh. 10:10 Kom Jesus en sê

Johannes 10:10 Die dief kom vir niks anders nie as om te steel, dood te maak en te vernietig. Ék het gekom sodat hulle lewe kan hê, ja, sodat hulle dit oorvloedig het.

Die 7 belangrike areas was.

Week 1. Het ons begin by Geestelik gesondheid en ons het gesê dis deur naby aan God te leef dat ons Transform die nie wat ons doen wat ons laat transform nie dis wat God in ons doen wat ons laat transform maar Hy kan net in ons werk as ons naby aan hom leef en hom toe laat om te werk.

Week 2. Het ons het stil gestaan by Fisiese gesondheid. Ons het gesê dat God gee net so om oor ons Fisiese gesondheid soos oor ons Geestelike gesondheid. 3 Johannes 1:2 Geliefde vriend, ek hou aan bid dat dit in alle opsigte met jou goed mag gaan en dat jy nét so gesond sal wees soos dit geestelik goed met jou gaan.

Vriende baie keer wil ons transform maar ons het nie die energie om te begin nie wat nog te probeer. Ek en jy is God se plan vir die wêreld en hy wil deur my en jou Sy koninkryk bou op aarde, Hy wil deur my en jou hemel aarde toe bring maar as ons nie die krag het om dit te doen nie kan dit nie gebeur nie.

Week 3 het ons gekyk na Gesonde denke, Nou die key vers vir die reeks is Rom 12:2

2 Do not conform to the pattern of this world, but be transformed by the renewing of your mind.

Een vertaling sê change the way you think.

Ons het gesê God wil eerder denke verander as ons omstandighede, want wat binne gebeur is vêr belangriker as wat met ons gebeur. En die rede is want wat ons dink bepaal hoe ons voel, en hoe ons voel bepaal hoe ons optree.

Spreuke 4:23 Bo alles, wees versigtig met wat in jou hart aangaan. Wat jy dink, bepaal alles wat jy doen.

Ons moet ok besef nie alles wat jy dink is noodwendig die waarheid net omdat jy dit dink nie.

Week 4 het ons stil gestaan by Gesonde Emosies

Nou ons emosies speel ‘n groot rol in ons lewe en baie studies het gewys dat emosionele intelligensie is belangriker as IK. As jy baie slim is en het al die kennis maar jy kan nie jou emosies beheer of met mense werk nie gaan jy sukkel.

Spreuke 5:23 Hy kon homself nie beheer nie; daarom gaan hy sterf. Hy verdwaal omdat hy dwase dinge doen.

Ons het gesê God is ’n God van Emosie en ons emosies is ’n geskenk van God af maar ons moet God vra om ons emosies onder sy beheer te bring en ons te help besef nie alles wat ons voel noodwendig reg is nie.

En dat ek my Emosies moet noem en dan dit challenge of dit reg is om so te voel en dan dit te verander.

Week 5. Ons het gekyk na gesonde verhoudings en stil gestaan by die heel eerste verhouding in die Bybel Adam en Eva en ons het geleer vanuit hulle verhouding oor 3 vrese wat in alle verhoudings teenwoordig is en amok saai en na 3 keuses wat ek en jy daagliks moet maak om gesonde en transformed verhouding te hê.

Week 6 het ons het gekyk na gesonde finansies en stil gestaan by Luk. 16:1-9. Die kerngedagte is dat ons moet besef dat alles wat ons het Geld, besittings, talente alles is behoort nie aan ons nie, God bless ons daarmee en ons is net bestuurders daarvan. Daarom is ’n belangrike vraag om gereeld God te vra is Here wat wil U hê moet ek doen met wat U my mee vertrou of dit baie of min is.

Week 7 het Braam met ons gesels oor ’n gesonde 8 – 5. En dat waar ook al jy jou self bevind op die stadium of jy skool gaan, werk vir baas, ’n baas is, afgetree is waar jy jou bevind besef dat God jou daar wil gebruik. Jy is sy verteenwoordiger daar en alles wat jy doen, doen dit tot eer en verheerliking van God.

Die vraag wat baie mense vra is maar nou wat nou Stevo. Sjoe, hierdie reeks was so goed en lewens veranderend. Die boekie was so goed en het my so baie gehelp om saam met ander mense op dieselfde reis te wees was so great. Nou wat nou.

Van julle het dalk soos ek gevoel dat daar is so baie info waar begin ek hoe begin ek dis net te veel en jy voel oorweldig. Dis alles so goed en belangrik hoe gaan ek dit reg kry om te bly groei of selfs te begin?

En ek wil graag 3 gedagtes deel van hoe ons seker maak dit gebeur. En hierdie is net-net vir geestelike groei nie, maar vir ons alledaagse lewe.

1.        Neem ‘n inventaris / Doen stock take

Spr. 14:8       “’n Mens wat nie weet hoe om reg te leef nie, se lewe is leeg. Lewenswysheid maak jou gelukkig.”  NAV

Vriende dis belangrik dat ek en jy sal stilstaan en begin om te kyk na ons lewe. Net soos dit belangrik is om van tyd tot tyd gaan vir ’n mediese checkup is dit belangrik dat ons lewe kyk en seker maak dat wat ons glo en spreek en ook baie keer preek vir ander dat dit wel deur die manier hoe ons leef gesien kan word, die manier hoe ons, ons lewe inrig en beplan dat dit wat ons glo spreek en preek reflekteer.

In die week in ons leierskap ontwikkeling sessie het ons gekyk na die volgende slide en Pete Scazerro het gepraat oor die slide en gesê die rede hoekom mense sukkel om te groei en te transform geestelik maar ook in die algemene lewe is want daar is hierdie Action / behavioral gap.

Baie van ons stop by stap 3. Ons hoor iets so ons raak aware daarvan of bewus daarvan, dan begin ons te ponder daaroor jy lees nog ’n boek of luister nog ’n preek of talk daaroor. Jy begin dan die waarde of die value daarvan insien en jy  begin voel sjoe almal moet hierdie hoor en begin almal te vertel daarvan, maar dan sê hy kom daar ’n gap en baie mense bly by stap 3. So hulle het al die info en weet dis belangrik en vertel selfs mense hoe belangrik en powerful dit is maar hulle begin nie hulle lewe so te prioritise dat daai waarde kan begin leef word en later deel van hulle kan word nie.

Die probleem kom baie keer ook in dat sodra ons informasie hoor wat ons al voorheen gehoor het of wat ons weet goed is dan stem ons saam en ons weet dis belangrik maar ons lewens verander nie, want ons bly vasval by stap 3. Daarom is dit belangrik om stock take te doen en te vra, hoe gesond is ek in die area en het ek al my lewe begin aanpas en anders begin prioritiseer om seker te maak daai waarde wat ek glo, spreek en preek deel kan raak van my.

Soms gaan jy verbystap 3 en jy kom by stap 5 uit maar wat dan belangrik is, is dat ek en jy soms net weer sal seker maak dat ons nie verval het en dink ons het sekere area onder beheer nie, maar eintlik is seker areas nie meer so onder beheer en gesond soos wat ek dink dit is nie en hier is dit belangrik om iemand te vra wat jou baie goed ken om te kyk na jou lewe. Om jou te help daai blinde kolle raak te ’n geestelik oefen vriend iemand wat daai eerlike moeilike vra en antwoorde kan gee.

2.        Skryf ‘n aksie plan neer (baie fokus op Dissipelskap)

Efesiërs 5:15-16     “Wees baie versigtig hoe julle leef. Leef soos mense wat weet wat God van ’n sinvolle lewe verwag en nie soos mense wat niks daarvan weet nie. Moenie jou tyd mors nie.”  Boodskap

Ons beplan al die ander area’s van ons lewe behalwe ons persoonlike en geestelike lewe.Om aan te hou groei gebeur nie net vanself nie. In die transformed reek moes ons 3 maande doel witte in elke area uit gesit het.

Die probleem is dat ons kan baie maklik oorweldig voel en voel maar is so baie om aan te werk wat nou of waar moet ek begin. Ek wil vir jou sê begin deur 2 area te kies en in my hart glo ek dat 1 area moet altyd Geestelike gesondheid wees, want as ek en jy ons verhouding met God uit sorteer en naby aan God leef dan sal ons ook weet wat Hy van ons verwag, ons sal beter lewens leef en beter mense word. Ek glo en weet dat as my verhouding met God reg is dan vloei dit oor in die ander areas van my lewe in.

Maar dit help nie net jy sê ek wil meer geestelik groei nie, nee jy moet ’n plan uit sit en daarom wil ek julle aanmoedig. Braam het vroeër gesels oor Dissipelskap groepe en in ons gemeente is dit ons proses. En ek wil almal aanmoedig of jy nog nooit dissipelskap gedoen het nie en of jy dit al gedoen het. Doen stock take en kyk is jy geestelik gesond, waar jy behoort te wees of is jy op stap 3 jy weet van dissipelskap jy weet dis belangrik jy het al selfs vir mense gesê dit is maar jy het nog nie die nodige veranderinge gemaak nie jy het nog nie geprioritiseer om dit deel van jou lewe te maak nie.

Stel daai aksie plan op. Besluit om goed rond te skyf en vir tydelike goed nee te sê sodat jy kan ja sê vir die belangrike. En besluit dan op nog een area wat jy voel vir die volgende 6 maande gaan ek begin om te fokus om my lewe so te prioritiseer dat die waarde deel raak van my lewe.  En dan glo ek soos jy daai een area uitsorteer en regkry sal dit oorvloei in die volgende area. As jy jou fisiese lewe beter kry, het jy die energie om aan verhouding te werk, of as jy jou denke onder beheer kry en seker maak jy pasop waarmee jy dit vul dan raak jou emosies ook beter en verhoudings beter.

3.        Maak Christus die middelpunt van alles: (Stil staan by die gedagte wat oor en oor op gekom het in Transformed en dit is jy moet jou dag met God begin God moet in alles deel wees van die proses)

Matteus. 6:33         “Beywer julle allereers vir die koninkryk van God en vir die wil van God, dan sal Hy julle ook al hierdie dinge gee.”  NAV

Kol. 1:15-16 “Niks in die skepping kan met Hom vergelyk word nie. … alles is deur Hom gemaak. Alles wat gemaak is, moet daarna streef om Hom gelukkig te maak.”  Boodskap

Soos ‘n wiel ‘n middel moet hê, moet ons lewens ook ‘n middel hê.  As God net een van die speke in jou wiel is sal jy vir altyd probeer om te transform en aan te hou groei maar net nooit dit regkry nie.

As Hy in die middel van jou lewe dis waar dit begin .Ons lewe vir God en deur God.

Die een ding wat so mooi in die transformed reek deurgekom het, is dat ek en jy elke dag met God moet begin. Rick het altyd gesê voor jou voete die grond raak gee jou emosies vir God en vra Hom om jou te help wys of jou emosies reg is, of gee jou verhoudings vir God en vra Hom om jou te help in liefde leef, gee jou denke of liggaam vir God. In jou finansies gee jou eerste 10% vir God.

Vriende julle sien om aan te hou groei, of te begin groei is nie iets wat ek of jy kan laat gebeur uit wils krag nie. Dit gebeur nie deur harder te probeer nie, groei is iets wat God laat gebeur en dis hoekom Jesus in Johannes 15:5 sê “Ek is die druiwestok, en julle die lote. Wie aan my verbonde bly en ek aan hulle, dra baie vrugte, want sonder my kan julle niks doen dit nie.”

Vriende ons moet seker maak God is die middelpunt van alles.

Kom ons vat so oomblik en vat stock. Waar is jy vandag? dalk is jy by stap 3 en niks van die informasie is nuut nie, maar my vraag is, is jou lewe al geprioritiseer dat die waarhede in jou lewe ingebou en deel van jou kan raak of weet jy dit maar jy hou aan dieselfde leef? Is dit wat jy glo en selfs op ’n stadium geleef het, is dit steeds so sterk in jou lewe sigbaar of het jy bietjie daarvan laat gaan.

Maak vandag die besluit om die week ’n aksieplan vir groei neer te skryf. Skryf vandag in om deel van ’n dissipelskap groep te raak, en besluit wat is daai een ander area wat jy die volgende 6 maande opgaan fokus om saam met God gesond of onder beheer te kry voordat jy op die volgende een gaan fokus.

Dalk moet jy vandag God weer innooi en oorgee en begin om hom die middelpunt van alles te maak.

Kom ons bid.