Vereenvoudig jou lewe – Lewe volgens die woord

/in /by

[powerpress]

Goeie more vriende en soos altyd ‘n voorreg om vanoggend saam met julle te leer hoe om die lewe beter te doen en saam te groei in dieper verhoudings.

Ons sluit vandag die reeks af genoem vereenvoudig jou lewe. In die reeks het ons gekyk na maniere hoe ons beter keuses kan maak. Keuses wat ons gaan help om die lewe beter te doen. Ons lewens is so gekompliseerd en baie mense is al kla moeg en die jaar het skaars begin. Baie van ons lewe van salaris tot salaris of naweek tot naweek. Eintlik oorleef ons net ons lewe nie en in die reeks het ons gekyk na hoe ons kan begin om ons lewens weer te vereenvoudig.

Wat is fout met die volgende klomp foto’s. As jy soos ek is en jy jy kuier by iemand en in hulle huis is daar ‘n foto raam wat skeef hang ek sukkel om te konsentreer want dit sal my pla tot ek dit regmaak. Daai crooked house ek sal nie in dit wil ingaan nie dit lyk net verkeerd.

Skewe prent3Skewe prentSkewe prent5Skewe huis

 

Nou in ons huis as daar iets teen die muur gehang moet word dan bel ek my skoonpa. 1ste rede want dit laat hom goed voel dat hy ons kan help of eerder sy dogter kan help en ek glo daarin om mense purpose te gee en belangrik te laat voel. 2de rede as hy dit doen en iets loop verkeerd of dit is skeef dan is ek onskuldig en hy vat al die rap. 3de want as ek dit moet doen, sal alles skeef hang in ons huis.

Wat altyd so interessant is sodra ons iets opsit dan baie keer as jy naby staan dan lyk die ding vir jou reg. Dit lyk reguit en pas mooi in op die muur maar dan sal Chantal en haar ma vêrder weg staan en sê op of af en dan later om konflik te vermy dan gaan haal ons Mr. Waterpas want niemand kan stry daarmee nie.

Wie van julle wil reg lewe, die lewe leef wat God vir jou wil hê?  Wie van julle wil weet dat elke besluit wat jy maak, of dit is hoe jy jou kind grootmaak en of wat jy eendag moet swot, met wie jy moet trou as jy jonk is, besluit oor jou werk, verhoudings, tiende betaal, belasting, vergifnis dat elke besluit wat jy maak die regte een is.

Ek glo ons almal wil graag weet dat ons die regte besluite neem en as jy volger van Jesus is dan wil jy ook weet dat jou keuses Hom eer en binne sy plan vir jou lewe val. Dis asof ons ’n waterpas soek vir die lewe.

Vanoggend se boodskap glo ek is die belangrikste van die 4 boodskappe in die reeks. Vanoggend gaan ons stilstaan by vereenvoudig jou lewe deur te lewe volgens die Woord.  

Ps. 119:9 – 16 in 1953 vertaling sê: (9)Waarmee sal die jongeling sy pad suiwer hou? Deur dit te hou na u woord. (10)Ek soek U met my hele hart; laat my nie afdwaal van u gebooie nie. (11) Ek het u woord in my hart gebêre, dat ek teen U nie sal sondig nie.(12)Lofwaardig is U, o Here! Leer my u insettinge! (13) Ek het met my lippe vertel al die verordeninge van u mond. (14) Ek is vrolik in die weg van u getuienisse soos oor allerhande rykdom. (15) Ek wil u bevele oordink en op u paaie let. (16)Ek sal my verlustig in u insettinge, u woord sal ek nie vergeet nie.

Net toe ek gebore is, het my oupagrootjie vir my ma-hulle ‘n Bybel gegee om eendag vir my te gee en Ps. 119:9 was onderstreep en voor in ’n die boodskap vandat as ek my lewe volgens Sy woord inrig sal my lewe baie vereenvoudig wees en sal ek lewe nie net oorleef nie (my spin daarop)

Nou voor ek verder gaan kom ons gesels gou oor ek glo ons as mens en veral ons as Jesus volgelinge of christene se grootste issue. Ons almal weet dat die Bybel belangrik is om te lees en dat dit God se manier is om ons te help en te leer om ‘n vol lewe te leef om reg en beter te lewe, maar iets wat ek baie keer hoor is mense sal iets sê soos ek lees die Bybel maar ek verstaan dit nie ek weet nie hoe om dit toe te laat om my lewe te verander nie. Ek hoor hoe ander mense praat oor wat hulle van God ontvang het en voel dan is ek werklik ‘n Christen want ek voel dit nie of hoor dit nie.

Ek dink dit is ook die rede hoekom dagstukkie boeke so groot is want daar kry ons ‘n vers of gedeelte maar dan is daar darem iemand wat iets skryf oor die gedeelte. Nou hoor mooi ek is nie teen dagstukkies nie, Braam skryf self soms dagstukkies vir groot veldtogte my enigste bekommernis is dat dagstukkies bevat baie keer wat God besig is om met daai persoon te deel en ons mis uit op wat God met my en jou wil deel vir vandag vir nou as ons nie self met die woord sit nie.

Ek dink ‘n vars manier om te kyk na hoe ons Bybel lees is, die verskil tussen hoe ons ‘n koerant, tydskrif of selfs ‘n handboek sal lees en hoe jy ‘n liefdes brief sal lees. Wanner jy koerant of handboek lees dan lees jy om te verstaan, as jy koerant of tydskrif lees dan lees jy maar binne-in jou glo jy nie alles wat jy lees nie. Jy het nie eers gesien wie dit skryf nie en gee ook nie om nie. Jy lees vir inligting.

Kan jy onthou hoe jy ’n liefdes brief gelees het. Ek het een hier wat Chantal vir my geskryf het die dag van ons troue. Ek onthou toe ek dit oopmaak het dit lekker geruik. Sy het haar perfume in dit gespuit. Ek het dit oopgemaak en elke woord gelees en ingeneem en ook teruggedink aan Kodak moments.

Die hartseer is baie van ons lees die Bybel soos ons koerant of ’n handboek lees vir inligting ons wil dit verstaan en uitlê, inplaas van om die Bybel te lees soos ‘n liefdes brief wat God vir ons geskryf het en wat ons kan uitlê.

Julle sien wanneer ons die Bybel lees vir inligting dan skip ons oor gedeeltes wat ons ken. Ps23 Die Here is my herder daar is niks wat my ontbreek nie. Hy laat my neerlê in groen weivelde ons ken dit dis mooi ne. EK het gelees ken dit maar dit doen niks aan my nie, maar as ek dit soos liefdes brief lees, dan lees ek Die Here is my herder hy is daar vir my hy beskerm my niks sal my ontbreek nie so as ek iets kort is dit ok wat Hy gaan my deur vat hy gaan my red. Al is ek in dal van doodskaduwee kan ek aanhou ek hoef nie op te gee nie, want Sy stok en sy staf beskerm my. Baie anders nè?

Of Joh. 3:16 en 17 vir Inligting sê ons ja ek ken dit Want so liefhet god wêreld gehad sy seun gegee ens. Vers 17 nie te veroordeel nie maar te red ens. Maar as ek liefdes brief dan lees ek want so liefhet God die wêreld gehad dis hoe lief hy my het en my vrou het en my seuntjie het dat hy Jesus sy eie seun gegee het. En wanneer die vyand kom en my veroordeel of ek voel veroordeel dan kan ek gaan en sê Jesus se koms is nie om my te veroordeel nie maar om my te red om my vry te maak.

Of wanneer ek struggle met iets dan is dit nie net ‘n nice vers wat sê ek is tot alles in staat deur Christus wat my krag geen nie nee want die liefdes brief maak dit ‘n vers wat ek kan aan vashou wat my lewe gee wat my vrymaak dat ek hoef dit nie vanuit my krag te probeer doen nie maar deur Sy krag.

U sien vir te lank probeer ons die Bybel uitlê maar Eugene Petersen sê  ons moet ophou probeer om die Bybel uit te lê en eerder toe laat dat die Bybel ons lewens uitlê.

Vriende elkeen van ons kom daagliks voor duisende vurke in die pad. ’n Vurk is ’n plek waar ek en jy moet besluit watse kant toe ons gaan of wat gaan ek doen in die situasie en elke besluit het een of ander nagevolg.

Nou Ps119:9 sê dat ons kan ons pad suier hou, so in elke besluit kan ons die regte of suiwer keuse doen. Die realiteit is ons kan nie vir elke besluit eers time out en wil bid en wag om te hoor voor ons ’n besluit maak nie. Vriende daar is ’n tyd wat ons moet afsonder soos toe ons as gemeente saam gebid het en leiding gesoek het oor die kerk bou of wanneer jy bid oor groot beroeps verandering of baie groot finansiële besluit.  

Meeste van die tyd moet jy besluit maak en aangaan maar hoe kan ons seker maak ons maak die regte besluit elke keer.

Soos ons in die video vroeër gesien het is die magneet oor die naald gevryf, wat het met die naald gebeur die naald het die magneet se eienskap aangeneem. Dit self het ‘’n magneet geword en toe dit in die water gesit is, het dit nie gewonder waar ware noord is nie dit het geweet. Ek glo dat wanneer die woord in ons is en ons in dit dan sonder dat ons dit agter kom maak ons die besluite wat ons pad suiwer hou, want ons begin die eienskap en karakter aanneem van die woord.

En daarom is ons verhoudings pad suiwer, want wanneer mense ons seermaak dan vergewe ons hulle en haal hulle van die hoek af soos Braam verlede week gepreek het.

En daarom is ons emosionele pad suiwer want ons emosionele emmers is vol en bly vol sodat ons nie die mense wat ons sê ons lief is voor verskeur met ons woorde en wonde met ons gedrag want hulle is daar na daai lang dag of moeilike meeting en jy is moeg en kwaad en hulle loop deur nie.

En daarom is ons geestelike pad suiwer want ons koop genoeg tyd uit om stil te raak en dit met God te spandeer en ons gee om vir ander mense.

En daarom is ons fisiese pad suiwer want ek maak seker dat oefen deel van my lewe is en ek eet nie daai ekstra stuk koek net omdat dit daar is nie.

Vriende en as ons soos die Psalmdigter skryf in 119:9 – 16 Ons lewe inrig volgens Sy woord en ons Hom soek met ons hele hart. En soos een van die vertalings sê en dis so mooi dat ons God se woord in die brandkluis van ons hart sal bêre. Dat ons ons verlustig in God se voorwaardes soos oor rykdom. Dis wanneer ons lewe suier is.

Wanneer ons so leef dis dan dat ons lewe meer en meer God se karakter aanneem en ons meer en meer weet wat Hy vir my en jou wil sê en wil hê.

Vriende vanoggend wil ek hê ons moet vir oomblik wandel in die woord. Daar is baie maniere en ek moedig julle aan om te gaan oplees oor nog maniere om die woord beter te lees. Iets wat my baie gehelp het, was Dissipelskap en ek wil jou aanmoedig as jy nog nie in ’n dissipelskap groep is nie kom sodra moontlik in een dis werklik lewens veranderend.

Die manier wat ons vanoggend die Bybel mee gaan lees, is agterop julle preek notas en ek wil julle aanmoedig om die maand die manier te probeer in julle tyd saam met God. Jy kan elke week ander skrif gedeelte vat of elke dag net soos jy wil.

Ek gaan julle daardeur begelei sodat jy weet hoe om dit by die huis te doen.

Geestelike lees

Die eerste stap is:

Word Stil
Maak jou oë toe en begin jou liggaam ontspan. Sit met al twee voete op die vloer mooi regop maar maak seker jy is nie ongemaklik nie.
Haal diep asem en konsentreer op jou asem haling, maak jou gedagtes stil en ervaar net die stilte.

1. Lees.

Ps. 119:9 – 16 (9)Waarmee sal die jongeling sy pad suiwer hou? Deur dit te hou na u woord. (10)Ek soek U met my hele hart; laat my nie afdwaal van u gebooie nie. (11) Ek het u woord in my hart gebêre, dat ek teen U nie sal sondig nie. (12)Lofwaardig is U, o Here! Leer my u insettinge! (13) Ek het met my lippe vertel al die verordeninge van u mond. (14) Ek is vrolik in die weg van u getuienisse soos oor allerhande rykdom. (15) Ek wil u bevele oordink en op u paaie let. (16)Ek sal my verlustig in u insettinge, u woord sal ek nie vergeet nie.

Lees die gedeelte eerste keer net deur, daarna lees dit vir 2de keer weer deur maar die keer skryf ’n vers of woord neer wat vir jou uitstaan, dalk is dit woord wat jou opgewonde maak of hartseer, dalk maak dit jou bang of jy is onseker. Die woord of frase wat jou iets laat voel. Daarna skryf ander woorde neer wat selfde beteken.

2. Reflekteer.

Lees weer gedeelte

Dink na oor wat die woord of vers vir jou vandag beteken.

Wat wil God vir jou deur die vers of woorde sê? Waar in jou lewe het jy die woord of frase nodig.

3. Reageer.

Lees weer gedeelte

Wat wil jy vir God sê i.v.m wat jy nou gelees het en ervaar het. Skryf ’n kort gebed neer wat jy dan vir God wil sê.

4. Rus

 “When our response has been played out in all of its fury, angst, or exuberance, we come to a place of rest in God.  Here there are no expectations, demands, no need to know, no desire but to be in the Divine Presence, receptive to what God desires to do with us.” Marjorie Thompson

Vat oomblik en sit en wees in God se teenwoordigheid.

Vereenvoudig jou lewe: Die Hoek (verhoudings)

/in /by

Weens ‘n tegniese probleem is die eerste gedeelte van die audio nie beskikbaar nie.

[powerpress]

Ons het in die eerste week van ons reeks gekyk na die EEN ding wat ons sal help om ons lewe te vereenvoudig.  Ons het deur hierdie reeks gekyk na ons geestelik emosionele emmer en dit dinge wat dit tap of laai en ook hoe iemand lyk wie se emmer leeg is.

In die tweede week het ons gekyk na ons skedules en besef dat gejaagde hart sindroom ons grootste vyand is en dat die vraag nie is wat moet ek in my skedule inpas nie eerder, wie wil ek graag wees?

Verlede week het ons saam met Steve gekyk na ons werk en ons finansies wat seker een die areas is wat ons lewens meer kompleks maak en ons het daar vereenvoudig.

Vandag kyk ons na ons verhoudings en meer spesifiek na die hoek in ons lewe.

 

Elkeen van julle het ‘n vishoek gekry toe julle by die deur ingestap het vanoggend.

Hierdie vishoek is iets tasbaar wat vandag se boodskap gaan illustreer.

Ons praat van die hoek in ons verhoudings, dit wat ons laat vashaak en ons lewens geweldig kompliseer omdat ons nie kan aan beweeg nie.

Ons praat van verwyte, van vergifnis, van iemand wat jy op jou hoek gesit het omdat hulle jou teleurgestel het, iets aan jou gedoen het of omdat jy kwaad vir hulle is.

 

Hier is wat ons doen – wanneer iemand jou te na kom, jou vies maak, iets aan jou doen dan hang jy daardie persoon op daardie hoek.

Baie keer weet hulle nie eers dat jy dit doen nie.  Maar in ons reeks praat ons oor vereenvoudig jou lewe.  Wel as jy iets op die hoek het, dan is dit nogal ‘n gesukkel om rond te loop of om aan te gaan met jou gewone take.

Oral waar jy betrokke raak in verhoudings trek jy soos ‘n hengelaar mense rond aan jou hoeke wat jy het in jou lewe.

 

Dit is vir ons lekker om iets te vang, is dit nie?  Jy sien dalk daardie persoon wat jy gevang het met so hoek in sy / haar mond.  En jy dink, ja, jy verniet dit.

Dalk kom daar ‘n spul mense by jou op as jy daaraan dink, dit is okay.

Sien ‘n prentjie van daardie persoon wat jou verneder het, wat jou te na gekom het.

Dalk was dit hierdie week, dalk was dit onlangs?  Dalk was dit jare gelede, en daardie wond wat die persoon gelos het het jou identiteit geword, dit het deel van jou menswees geword.

 

Verlede naweek praat ek met iemand wat haar pa nie kan vergewe nie.  Sy sê vir my, ek kan hom nie eers pa noem nie.  Net op sy naam.  Dit wat hy volgens haar aan haar gedoen het is so onverskoonbaar dat sy hom nooit weer in haar lewe wil sien nie.

Dit kan wees, maar nou kom die ding, sy kan nie haar werk behou nie.  Sy is uitstekend in wat sy doen maar sy hou nie haar werk nie.  Sy is 30 jaar oud maar sy kan nie in ‘n vaste verhouding bly vir meer as ‘n paar maande nie.

Jy sien, daar die een verhouding beïnvloed al haar anders verhoudings sonder sy besef.

 

Wat is die invloed op ons verhoudings?

Nog ‘n manier om te dink daaraan is dat dit amper soos ‘n rekenaar is.  Ek weet nie of sommige van julle dit al agtergekom het nie, maar hoe meer programme jy oop het, hoe meer energie of geheue gebruik jou rekenaar.

As jy nie van die programme toemaak veral oor ‘n paar dae nie begin jou rekenaar oorverhit en kan naderhand nie meer enige basiese funksies uitvoer nie.

Dit vat ‘n ewigheid om iets basies te doen wat gewoonlik in sekondes gebeur.

 

Dieselfde gebeur in ons verhoudings – hoe meer verwyte, negatiwiteit, wonde, seer en teleurstellings ons ronddra hoe meer energie gebruik ons, totdat ons naderhand nie meer basiese verhouding funksies kan verrig nie.

Ons kan nie vertrou nie.  Ons skeer almal onder dieselfde kamp.

Ons dink dit het nie ‘n invloed op ons lewe nie maar die realiteit is, dit definieer wie ons is.

Daardie persoon word saam met jou getrek oral waar jy gaan.

 

Maar ons hoef nie dit te dra nie. God kan ons vrymaak, Hy kan ons restart in ons verhoudings.

Matteus 18:21-35

“Petrus vra toe vir Jesus: “Here, sê my, hoeveel keer moet ek iemand vergewe wat verkeerd teenoor my opgetree het? Tot sewe maal?  “Nee, nie net sewe keer nie,” het Jesus geantwoord. “Sewentig maal sewe keer. Jy moet ander mense elke keer vergewe as hulle jou sleg behandel. Moenie tel hoeveel keer jy ander mense vergewe nie. Vergifnis hou net aan en aan.”

Toe vertel Jesus vir hulle ’n verhaal om te verduidelik wat Hy bedoel: “In God se nuwe wêreld gaan dit soos met ’n koning wat op ’n dag besluit het om sy boeke na te gaan en te kyk wie van sy onderdane hom geld skuld. Toe hy begin sommetjies maak, kom hy agter dat een van sy amptenare hom ’n hele paar miljoen rand skuld. Hy was baie geskok en het die man dadelik ontbied. Toe die man opdaag, het hy vir die koning gesê dat hy bankrot is. Hy kon nie sy skuld betaal nie. Die koning was woedend daaroor. ‘Verkoop hom en sy vrou en kinders daar op die mark as slawe. Verkoop ook al hulle besittings. So kry ek darem ’n paar rand terug.’

“Die vreesbevange amptenaar het toe op sy knieë voor die koning neergeval en om genade begin smeek. ‘Gee my asseblief nog ’n laaste kans. Ek sal alles terugbetaal wat ek aan u skuld.’  “Die koning se hart het sag geword toe hy die amptenaar so sien smeek. Toe besluit hy daar en dan om al sy skuld af te skryf.

“Toe die amptenaar by die paleis uitstap, loop hy ’n ander amptenaar raak wat hom ’n paar rand skuld. Hy gryp hom toe aan die keel en skree vir hom dat hy dadelik sy skuld moet betaal.  “Die man het op sy knieë neergeval en gepleit: ‘Gee my asseblief nog ’n kans.  Ek sal binnekort die paar rand terugbetaal wat ek jou skuld.’

“Die amptenaar was egter nie daarvoor te vinde nie. Hy het die man daar en dan in die tronk laat gooi.  “Ander amptenare het gesien wat gebeur het en was baie ontsteld daaroor. Hulle het toe vir die koning daarvan gaan vertel.  “Die koning het die amptenaar toe dadelik ontbied en vir hom gesê: ‘Jou skurk! Ek het so pas jou skuld van ’n paar miljoen rand afgeskryf omdat jy my om genade gesmeek het. Moes dit jou nie beweeg om dieselfde vir daardie ander amptenaar te doen toe hy op sy knieë voor jou kom staan het nie?’ Die koning was so kwaad dat hy die amptenaar daar en dan tronk toe gestuur het waar hy gemartel is.

“Ons Vader, God, sal net soos die koning met julle maak, as julle soos hierdie amptenaar met julle mede-Christene maak.”

 

Net so bietjie agtergrond – volgens Joodse wet moes Jode iemand 3 keer vergewe.

So Petrus weet dat Jesus se antwoord effens groter as dit sou wees.  En hy vat ‘n kans.

7 keer.  Maar hy het nie ‘n idee hoeveel groter God se genade is nie.

Jesus antwoord 70×7.  Petrus wil weet hoeveel keer moet hy vergewe en Jesus sê, een persoon so 490 keer.  Jesus bedoel dit nie letterlik noodwendig nie.

Dit illustreer eerder God se houding of hart rondom vergifnis.

 

God verwag dat mense in verhoudings mekaar dalk so 500 keer in ‘n vriendskap of verhouding sal seermaak of teleurstel.  En God se raad is, vergewe elke keer.

Ek vind nogal dat wanneer mense praat oor vriendskappe of huwelike of familie dan dink mense dat die die einde van die verhouding beteken wanneer iets skeef loop.

Wanneer iets skeef loop in ‘n verhouding is dit nie die einde nie, dit is normaal.

Vergifnis is hoe God met ons omgaan en hoe ons met mekaar behoort om te gaan.

God het die meganisme van vergifnis ontwerp om deel van ons verhoudings te wees.

“Forgiveness is God’s invention for coming to terms with a world in which, despite their best intentions, people are unfair to each other and hurt each other deeply. He began by forgiving us. And he invites us all to forgive each other.”  Lewis Smedes

Nog iets oor hierdie verhaal wat Jesus vertel – die rand waarde van die eerste ou se skuld was ‘n paar miljoen rand. Die rand waarde van die tweede ou se skuld was ongeveer R10

Dit is om te sê, ek skuld jou ‘n R4 miljoen huis teenoor ‘n blikkie Coke.

Ons praat van ‘n enorme verskil.  Dit is die grootte van God se genade oor ons.

Sy genade is so paar duisend keer groter as ons genade met mekaar.

Dit is vir ons selfsugtigheid, gierigheid, ons gebreekte beloftes, ons doelbewuste oortredings en ons onwetende oortredings teenoor ‘n groot heilige God.

En Hy het ons vergewe van dit ALLES.  Hy haal ons van die hoek af.

 

Maar as ons nie versigtig is nie, dan vergeet ons.  Ons vryheid laat ons vergeet.

En Jesus sê, dit is nie hoe My koninkryk werk nie.

In My koninkryk, volg jy My voorbeeld.  En My voorbeeld is genade op genade op genade.

In My koninkryk gebruik jy jou vryheid om mense vry te laat, ons hulle van die hoek af te haal

 

Kyk weer na die laaste vers, dit is een van enigste plekke in die Bybel waar God ‘n voorwaarde vir Sy vergifnis gee.

Matteus 18:35   “Ons Vader, God, sal net soos die koning met julle maak, as julle soos hierdie amptenaar met julle mede-Christene maak.”  Bdskp    “And that’s exactly what my Father in heaven is going to do to each one of you who doesn’t forgive unconditionally anyone who asks for mercy.”  Message

Is God se genade nie dan onbeperk nie?  Verwyder Hy dan nie ons sonde sovêr soos die ooste van die weste nie?

Ek dink wat Jesus probeer sê is dat Hy nie sy werk van vergifnis kan doen in ‘n hart wat nie kan vergewe nie.  Ons het die nie die kapasiteit om God se vergifnis te ervaar indien ons nie self oor ander kan vergewe nie.

As ek kies om iemand op die hoek te hou, dan sal ek eintlik die een wees wat vas is.

 

“To forgive is to set a prisoner free and discover that the prisoner was you.”

― Lewis B. Smedes, Forgive and Forget: Healing the Hurts We Don’t Deserve

“To be a Christian means to forgive the inexcusable because God has forgiven the inexcusable in you.”  ― C.S. Lewis

Om ‘n gelowige te wees beteken dat ons vergewe.  Dit is wat ‘n kind van God doen.

Hoekom moet ons vergewe?

Want ONS is VERGEWE.  En ons vergewe omdat ons vry mense wil wees.

Ons vergewe omdat dit ons lewens ontsaglik kompleks maak.

Ek onthou toe ek eenkeer op ‘n retraite was so paar jaar gelede en ons is begelei om mense wat ons te na gekom het te vergewe.  Eers het daar niemand in my kop opgekom nie.  Ek meen, ‘n pastoor, ek moet tog kan vergewe.

Maar hoe langer ek stil geraak het, het daar name in my gedagtes opgekom wat ek in jare nie aan gedink of gesien het nie.  Met ‘n proses het ek hulle, sommer weer ‘n keer vergewe.

Daar is dinge wat God in ons wil doen wat Hy net kan doen indien ons mense van vergifnis is.  Om kind van God te wees is om mense vry te maak.

Hoe vergewe ons spesifiek?

Ons vergewe oor en oor met hulp.

Wat ek bedoel met hulp is met God se hulp en met die hulp van ons geestelike familie en somtyds ‘n berader ook.

Vir sommige van ons is vergifnis baie diep werk, ek besef dit.  Dit is soms dekades se mishandeling en “abuse”.

Vergifnis is nie om iets te regverdig of te verskoon of te aanvaar nie.

“When we forgive evil we do not excuse it, we do not tolerate it, we do not smother it. We look the evil full in the face, call it what it is, let its horror shock and stun and enrage us, and only then do we forgive it.”  ― Lewis B. Smedes

 

Vergifnis beteken ook nie altyd om in ‘n verhouding te bly nie.

En soms neem dit baie, baie lank.  Daarom vergewe ons oor en oor en oor.

Om vorentoe te beweeg en jou verhoudings te vereenvoudig, is iets wat jy net vir jouself kan doen, niemand anders nie.

Dit is soms nodig om die hulp van ‘n berader te kry.  Dit is amper soos Fisioterapie vir siel.

Jy hoef nie gedefinieer te word deur wat met jou gebeur het nie.  Iemand anders moet nie jou identiteit bepaal nie.  Net God mag ons ware identiteit bepaal.

Deur vry te spreek – herdefinieer jy jou identiteit met God as iemand wat diep lief gekry word deur ‘n liefdevolle Vader.

So wanneer ons vergewe, doen ons dit met hulp en oor en oor.

Ek is seker jy het dit al ervaar hoe jy iemand vergewe en hulle van die hoek afgehaal het en voor jy jy jouself kry is hulle weer op daardie hoek. Daarom doen ons dit weer en weer.

 

GEBED

Wie moet jy van die hoek afhaal?

Wat is een konkrete stap wat jy kan neem om daardie persoon van die hoek af te haal?

Hoe sou jou lewe wees indien jy die seer laat gaan wat jou begin definieer het?

Wat is een konkrete stap wat jy kan neem om hierdie week van jou verwyte ontslae te raak?

Vereenvouding jou lewe – Werk en Geld: Lewe met vergenoegdheid

/in , , /by

[powerpress]

2 mans stap in die bos en hulle kom by ’n groot donker gat. Die een ou sê ek wonder hoe diep is die gat die ander een sê kom ons vind uit. Hier is ’n aambeeld (anvil vir die Engelse mense) kom ons gooi dit af in die gat. Great sê die ander ou en hulle gooi dit toe af. Al wat hulle hoor is hoe die aambeeld af fluit weeeeeeee soos dit val maar die gat is diep en dit val net en valnet. Die volgende oomblik kom daar ’n bok verby die ouens gestorm met ’n geskree spring in die lig en af in die gat. Net daar na kom ’n ou boer aangehardloop en skree Becky, Becky. Hy kom by die ouens en vra het julle ouens ’n bok dalk hier verby sien kom. Die ouens sê jy sal ons nie glo nie die bok het verby ons gehardloop en in die gat ingespring. Die ou boer sê dis onmoontlik ek het haar aan ’n aambeeld vasgemaak.

Goeie more vriende soos altyd ’n voorreg om saam met julle te leer hoe om beter volgelinge van God te wees en die lewe beter te doen.

Ons is in die 3de week van die reeks vereenvoudig jou lewe. As ons eerlik is vandag wie van ons voel soos Becky daar is die aambeeld om jou nek vasgemaak en jy word net mee getrek af in die donker gat van die lewe. As ons eerlik is met ons self wie van julle het ’n vakansie nodig. Wie van julle is bekommerd want die jaar het skaars begin en jy gebruik al kla woorde soos ek weet nie hoe ons die jaar gaan maak nie. Jou emosionele emmer is leeg.

Dis nie ’n lekker plek of gesonde plek om te wees nie. Dit is ook die rede vir die reeks, dat ons op ’n plek sal kom en besluite sal neem om ons lewe van gekompliseerd na meer eenvoudig toe te neem. Eintlik dat ons weer kan begin lewe en nie net oorleef nie. Is dit nie wat God vir my en jou wil hê nie dis ook hoekom Hy Jesus gestuur het, om ons te leer hoe om werklik te lewe en dan ook op die einde ons deur sy Dood in verhouding met God te plaas.

Nou vandag gaan ons vir ’n ruk stilstaan en kyk hoe kan ons ons lewe vereenvoudig in 2 van die belangrikste areas van ons lewe ons werk en in ons geld.   

Werk en geld loop eintlik hand aan hand want ons werk om geld te kry en ons kan net spandeer wat ons by ons werk verdien. In teorie natuurlik.

Probleem is ons dat in werklikheid leef ons nie binne-in die grens van wat ons verdien nie. Nee ons gaan en sê ek hoef nie tevrede te wees om te leef binne wat ek verdien nie, nee ek weet beter en ek verdien beter en daarom sal ek skuld maak om dit te koop.  Probleem is te veel van ons se skuld of lewens styl is so hoog en groot dat dit alleen steel ons vrede en vreugde. Dit alleen kompliseer ons lewens.

As dit by ons werk kom is dit ook waar. Die meeste mense vandag is nie gelukkig in hulle werke nie. Die hartseer is as jy daaroor dink meeste van ons gaan ten miste ’n 3de van ons lewe by die werk spandeer, so ’n 3de van jou lewe gaan jy nie geniet nie.

Meeste van ons het al een of andertyd of dalk is jy nou daar agtergekom as jy jou werk nie geniet nie voel die lewe net sleg. Net so as jy tot by jou oë toe in die skuld is, is die lewe ’n lied net jammer jy ken nie die woorde nie. Dinge voel net af.

Die ander kant is ook waar as jy werk geniet en jou geld is onder beheer dan is die lewe ‘’n lied en jy ken die woorde en ritme en die dans moves.

Het jy al ooit in kar gery waar die kar se wiele nie gealign is nie en heeltyd links of regs trek. Dis moeilik want dit vat so baie krag om die hele tyd dit teen te werk en dit maak jou moeg, of as die wiele nie gebalanseer is nie is dit nie lekker om in so kar te ry nie maar dis nie net nie lekker nie dis ook gevaarlik.

Net so met ons lewens as ons in lyn leef en align is met God dan lewe ons lekker en dinge gaan goed dinge werk nit, maar sodra ons uit balans of alignment gaan dan is die lewe moeiliker en kan dit ook later gevaarlik wees vir verhoudings asook gesondheid.

Daarom gaan ons vandag bietjie stilstaan en kyk hoe kan ons ons werk en geld weer in lyn bring of soos die Engelse sê “align”.

Nou vanoggend wil ek nie kom en net ’n klomp punte vir julle gee en sê doen dit en doen dit en as jy die 5 of 10 stappe volg dan sal alles in lyn wees nie, want op alles wat ek kan sê sal ons almal ’n verskoning uitdink hoekom ek of jy nie dit kan doen nie.

Ek wil vanoggend meer gesels oor die gesindheid wat ons het teenoor ons werk en ons geld, asook ’n ander manier om daarna te kyk.

Ek dink as ek en jy na ons geld en ons werk kyk dan moet ek en jy besef dat alles wat ons ontvang en het kom van God af.

Ek is ’n sucker vir ’n storie waar iemand wat die underdog is en ’n harde lewe het en eintlik geen kans het om dit te maak in die lewe nie en dan begin hy en hy werk hard en hy styg bo sy omstandighede uitkom en maak ’n sukses en wen. Een van my gunsteling movies is In te pursuit of happiness gespeel deur Will Smith ‘’n ware storie van Adrian Carver. Ons vat Madiba en sy legacy en waar hy nie behoort dit te gemaak het nie maar hy veg terug en kom uit tronk uit en maak die keuses sodat S.A beter kan wees. Wat gebeur sodra iemand dit maak wat nie moes nie mense kom en hulle gee so iemand baie krediet en hulle kyk op na so persoon. So Persoon wen pryse en kry toekennings en dan sodra hulle ’n toekenning kry dan gee hulle ’n dankie speech. Hulle sê dankie vir hulle ouers, dalk hulle kinders hulle vriende en mentors en die lys kan aangaan.

Vriende as ons eerlik is, het ons ook ’n klomp mense wat ons voor dankbaar moet wees. Mense wat gehelp het om ons die mens te maak wie en wat ons is. Vriende raai wie was agter hulle belegging. God. Die Bybel sê dat God jou geken het voor jy gebore is en hy gee om vir jou elke stap van jou lewe.

Die eerste persoon wie werklik dankbaarheid moet kry is God. Nie net het hy mense en resources op ons pad gestuur nie, maar hy het elkeen van ons ook talente gegee en geleenthede om uit te styg. Wat vra God inruil hiervoor net dat ek en jy dit vir Sy goedheid gebruik. Hy vra dat ons dankbaar sal wees vir wat hy ons mee seën ons huidige werk asook wat ons nou verdien.

En daarom vriende die ander gesindheid wat ons moet aanwerk as ons ons lewe wil vereenvoudig en in lyn kry en leef met God is.  

Deur met vreugde te leef in dit wat God nou vir jou voorsien.

Die skrywer van Prediker sê: Pred. 5:18 En as God aan mense rykdom en besittings gee, en die vermoë om dit te geniet, is dit ook ’n geskenk uit sy hand dat ’n mens jou werk geniet en jou deel in die lewe aanvaar.

Ek onthou die eerste keer toe ek ’n salaris verdien het, Ek het by early bird gewerk en R2500 verdien. Ek kon nie wag vir die einde van daai eerste maand nie. Ek het gedink sjoe dis so baie geld ek kan so baie doen hiermee dis awesome. Maande later het ek nie eers meer uitgesien na einde van maand nie, want ek het na my salaris gekyk en gesê dis net R2500 wat kan ek met R2500 doen.

Vriende ek dink een van die grootste redes hoekom ons werk en geld lewe so gekompliseerd is, is omdat ons nie tevrede is of eerder dankbaar is nie.

Julle sien ontevredenheid sê  wat ek verdien is nie genoeg nie.

Ontevredenheid sê wat ek het, is nie goed genoeg nie ek soek mooier, groter, nuwer en beter.

Ontevredenheid sê ek soek wat hy of sy het.

Ontevredenheid sê ek kort en verdien wat sy of hy het.

Ontevredenheid sê ek kan dit nie bekostig nie maar het kla besluit dis myne.

Ontevredenheid sê as ek dit het (huis, kar, selfoon, klere, vakansie) dan sal ek gelukkig wees.

Ontevredenheid sê ek vra nie die wêreld nie net ’n bietjie meer.

En die probleem is dat ons glo dat as ek en jy dit kry dat ons emmers vol sal wees, maar is dit? Sodra jy daai verhoging kry of daai nuwe posisie by die werk daai nuwe kar of daai vakansie. Dalk vir ’n dag of ’n maand maar vinnig vinnig dan voel ons weer leeg en voel ons weer as ek net dit het.

Hoe keer ons ontevredenheid?

Yip dankbaarheid en hoe kan ons meer dankbaar wees deur dankbaarheid te beoefen asof dit ons werk is.

1 Thessalonians 5:18 says, “Give thanks in all circumstances, for this is God’s will for you in Christ Jesus.”

Dankbaarheid sê wat ek verdien, is genoeg.

Dankbaarheid sê wat ek het, is groot genoeg, nuut genoeg, mooi genoeg, duur genoeg.

Dankbaarheid sê ek hoef nie te begeer wat hy of sy het nie.

Dankbaarheid sê ek is bly vir wat hy of sy het.

Dankbaarheid sê ek hoef nie te keep up with the Joneses nie.

Dankbaarheid sê ek gaan nie my identiteit of geluk plaas in besittings nie, want my geluk en identiteit kom van God af.

Dankbaarheid sê ek is net ‘’n manager van alles wat God my mee vertrou.

Dankbaarheid sê ek gaan leef met tevredenheid.

In die Bybel is daar hierdie ongelooflike storie in Handeling 12 van Petrus in die tronk en hoe hy vrygemaak word. Nou Herodes was op ’n mission om almal wat deel van die weg (dis wat die christelike beweging genoem was) dood te maak en uit te roei. Petrus is gevang en in  die tronk en die aand voor Petrus voor Herodes sou te staan kom het hy tussen 2 soldate geslaap en dan lees ons verder.

Hand.12: (7)Meteens staan daar ’n engel van die Here by Petrus, en ’n lig skyn in die sel. Die engel stoot toe aan Petrus se sy, en maak hom wakker en sê: “Staan gou op!” Die boeie het van sy polse afgeval. (8)Toe sê die engel vir hom: “Maak vas jou belt en trek jou sandale aan.” Hy het so gemaak. Daarna sê die engel vir hom: “Trek jou bo-kleed aan en kom agter my aan.”

Petrus volg die engel en hulle loop uit die trok en stad uit. As jy verder sou lees sal jy sien dat die tronk in oproer was die volgende oggend toe hulle agter kom Petrus is weg.

Vriende as ek die storie lees dan besef ek net dat God wil so graag dat ons moet vry wees. Hy wil hê dat ons emosionele emmers moet vol wees. Hy wil hê ons moet vrykom uit daai tronk van finansiële skuld of werksplek waar jy werk. Die Here wil my en jou vrymaak maar hy vra ons vandag dieselfde ding wat hy Petrus gevra het, dat ons moet Hom volg en vertrou en dat ons sal gaan.

 

Vriende verbeeld van ’n wêreld waar mense gaan werk nie omdat hulle moet nie maar omdat hulle wil en dit geniet, verbeeld jou ’n wêreld waar mense nie net leef binne-in wat hulle verdien nie maar selfs oor het om weg te gee. Verbeeld jou ’n wêreld waar ons emmers vol is en vol bly.

Ek glo in my hart dat daai wêreld nie net in drome hoef te bestaan nie maar nou moontlik is as ek en jy opstaan en besluit om ons gesindheid in lyn te bring met God sin en te lewe vanuit vergenoegdheid en dankbaarheid.

Kom ons bid saam.

 

 

 

 

 

 

Vereenvoudig jou lewe – Skedule: Wie wil jy graag wees?

/in , , /by

[powerpress]

Verlede week het ons gekyk na die EEN ding wat ons nodig het om ons lewe te laat werk en ook om ons lewe te vereenvoudig.  As jy dit gemis het, gaan luister asb. daarna.

Ons het hoofsaaklik gekyk na Lukas 10 met Marta en Maria.

Ons het ook hierdie (prent) emmer gehad wat ons geestelik emosionele emmer is.

Ons het gesê, as jou emmer vol is.  Dan voel dit of jou lewe reg werk, jy bid jou beste gebede, jy voel connected met mense, jy ervaar die Here se teenwoordigheid soveel beter.

 

Maar as jou emmer leeg is, dan is dit of jy gou kwaad word, jy voel nie naby aan mense nie, die Here en jou lewe voel so vêr van jou af.

En toe het ons gekyk na ‘n paar dinge wat jou kan help om jou geestelik, emosionele emmer weer vol te maak.

Vandag gaan ons verder om ons besige lewens bietjie te vereenvoudig en ons siele te unclutter van die dinge wat ons tyd steel.

 

Ons wil die woorde: Ek is oorweldig, ek is uitgeput, ek is besig, uit ons woordeskat haal met hierdie reeks en die lewens leef wat Jesus ons uitnooi om te leef.

Ons het ook verlede week gesê dat ons probleem nie noodwendig ons besige programme is nie maar eerder ons besige siele wat nooit tot rus kom nie.

 

So jaar of wat gelede het ons ‘n nuwe troeteldier gekry, ‘n kat.

Een middag besluit ek om gou by die huis te stop vir middagete voor ek jaag na my volgende afspraak toe.  Vinnig iets geëet en daarna weer in die kar geklim om te jaag.

So kilometer van die huis af hoor ek net ‘n sagte meaouw wat van my kar se enjin af kom.

Ek dog toe ek verbeel myself en ek ry toe verder.  Toe ek die derde meauw hoor oor die radio, dog ek dat ek dalk maar moet stop en kyk of daar nie iets fout is in my enjin nie.

Tot my verbasing sit ons gesin se baba kat op die enjin nadat ek seker 2km van huis af met hom gejaag het.  Hy moet verseker 9 lewens hê want daardie dag het hy sommer ‘n paar van hulle reeds verloor.  My spoed en haastigheid kon sy lewe gekos het.

 

Die van julle wat my goed ken weet ek is baie stadig van geaardheid en jaag nooit iewers heen nie.  🙂 Maar ek leer elke dag meer dat spoed ons vyand is.

Spoed maak dood is dit nie?  Ek is oortuig dat die spoed van ons lewens ons dood maak.

Miskien nie fisies nie, al is meeste van die groot siektes van ons tyd direk gekoppel aan ons lewenstyl, maar emosioneel, verhoudings, geestelik, finansieel?

En die teks wat ons vanoggend al gelees het, daardie unforced rhythms of grace, to live freely and lightly is iets wat nie eers in jou verwysingsraamwerk bestaan nie.

 

Wat is spoed besig om dood te maak in jou lewe?  Waar in jou lewe is jy besig om te sukkel om te oorleef? Kwaliteit tyd saam met jou man of vrou gebeur nie as jy te vinnig leef nie. Goeie besigheidsbesluite gebeur nie wanneer jy jaag na die volgende afspraak nie.

Betekenisvolle gesprekke met God gebeur nie wanneer jy konstant oormoeg is nie.

 

So vernederend as wat ek dit vind moet ek erken dat my lewe met stadiums al absolute choas was a.g.v. besluite en die spoed waarteen ek gelewe het.

Gelukkig het ek 9 jaar gelede totaal en al uitgebrand en depressie gekry om my te leer dat ek die pas van my lewe beter moet dophou en meer bewustelik en stadiger lewe.

Maar as ek na baie ander se lewe kyk dan sien ek dieselfde dinge wat ek in myself gesien het op ‘n stadium toe my werk my hele lewe oorgeneem het en ek konstant probeer het om beter te perform sodat ek goed sal lyk in ander mense se oë.

 

Eksodus 33:7-17  NLV

“Moses het ’n tent ’n hele ent weg van die laer af opgeslaan. Hy het dit “die ontmoetingstent” genoem. As iemand by die Here raad gesoek het, het hy na die ontmoetingstent buite die kamp gegaan. 8 Wanneer Moses uit die kamp na die tent toe gegaan het, het al die mense by die ingang van hulle tente gaan staan. Hulle het Moses agternagestaar tot hy in die tent van ontmoeting ingegaan het. 9 Die oomblik wanneer hy die tent binnegegaan het, het die wolkkolom afgesak. Dit het oor die deur van die tent bly hang terwyl die Here daar met Moses gepraat het. 10 Wanneer die volk die wolkkolom oor die tent se deur sien hang het, het hulle opgestaan en by die ingang van hulle tente gekniel om die Here te aanbid. 11 Binne-in die tent het die Here met Moses gepraat soos vriende wat gesels en mekaar in die oë kyk. Wanneer Moses daarna weer na die kamp toe teruggekom het, het Josua die seun van Nun wat hom gehelp het, daar agtergebly. Hy het nie van die tent af weggegaan nie. 12 Op ’n keer het Moses vir die Here gesê: “U het vir my gesê om hierdie volk te lei na die land wat U aan hulle beloof het. U het egter nooit vir my gesê wie U saam met my gaan stuur nie. U het wel vir my gesê dat U my baie goed ken en dat ek u goedkeuring wegdra. 13 “As dit dan so is, sê asseblief wat u planne is sodat ek kan weet wat U van my verwag. Hierdie mense is tog u eie volk.”14 Hy vra toe vir Moses: “Moet Ek dan self saamgaan sodat jou hart kan rus?”15 Moses sê vir Hom: “As U nie self saamgaan nie, moet U ons nie eers ’n tree van hier af laat beweeg nie. 16 As U nie saam met ons gaan nie, waaraan sal dit duidelik wees dat U vir my en u volk lief is? Hoe anders sal dit duidelik wees dat U anders oor ons voel as oor die ander volke op aarde?”17 Die Here het vir Moses geantwoord: “Goed, Ek sal doen wat jy gevra het. Jy dra my goedkeuring weg. Jy is my vriend.”

 

Die konteks van hierdie stuk is dat God vir Moses gevra het om in ‘n leiersposisie op te tree vir Hom.  God wou ‘n tabernakel vir sy mense bou, ‘n plek waar sy teenwoordigheid kon wees.  God het gedink dat Moses hierdie projek moes lei.

Die opdrag kom NADAT Moses sy roeping van die Here gekry het.

 

Nadat die Here die 10 plae gestuur het.  Nadat die Here hulle bevry het.

Nadat die Here die Rooi see oopgemaak het en die Egiptenare laat verdrink het.

Nadat die Here ‘n verbond met hulle gesluit het en hulle Sy volk gemaak het.

Moses het nogal baie ervaring gehad om saam met God te werk en nou hier in Eks. 33 het hy net een vraag vir die Here: Sal U teenwoordigheid nog steeds saam met my wees?

Eks. 33:14          “Hy vra toe vir Moses: “Moet Ek dan self saamgaan sodat jou hart kan rus?”

 

Moses was altyd gehoorsaam en het die Here se guns op hom gehad.

Maar hier toe hy die tabernakel moet bou en hy die grootste toets het van sy leierskap het hy ‘n saak om met die Here uit te maak.

Ex. 33:12-13      “Moses said to GOD, ‘Look, you tell me, “Lead this people,” but you don’t let me know whom you’re going to send with me. You tell me, “I know you well and you are special to me.” If I am so special to you, let me in on your plans. That way, I will continue being special to you. Don’t forget, this is your people, your responsibility.’”  Message

 

Moses voel uit sy diepte.  Of op die minste bang tot in sy tone.

Hy wil nie ‘n tree gee as hy nie so te sê ‘n waarborg het dat die Here saam is nie.

 

1.  Beweeg saam met God

Moses is heel duidelik meer besorg oor die Here se wil as oor sy eie wil.

Ons sien Moses praat met God van aangesig tot aangesig. Soos twee vriende.

Daar is diepte.  Daar is baie tyd saam gespandeer.  Daar is intimiteit.

Dan sien ons Moses het ‘n tent van samekoms opgesit waar die Israeliete kon kom met hulle vrae en dinge wat hulle wou met hom bespreek.

Moses wou die wysheid en vrede wat Hy gehad het aan die Israeliete oordra deur die tent van samekoms.  Moses het hulle uitgenooi om te kom en hulle het weggebly.

 

Die volk het nie die intimiteit gehad met God wat Moses gehad het nie.

Miskien soos party van ons het hulle gedink hulle het ‘n beter plan.

Hulle het gedink dat hierdie soek na die “wil van God” is nou nie eintlik wat hulle voor tyd het nie.

Miskien was van hulle ouers wat hulle kinders moes homeschool en by al die aktiwiteite uit kry.  Miskien was van hulle besigheids eienaars wat dringende sake moes opvolg.

 

Miskien was van hulle studente wat take en werksopdragte moes uitwerk.

Miskien was van hulle so besig met hulle familie verantwoordelikhede dat hulle nie daaraan gedink het om by die tent uit te kom nie.

Wat ook al die rede was, hulle was te besig, glo dit as jy wil in die woestyn om by die tent van samekoms waar Moses was uit te kom.

 

Ek dink Moses het na die volk, die geliefdes soos die Bybel hulle genoem het, gekyk en hy was woedend binne in homself.  Ons weet net in die vorige hoofstuk 32 dat toe hy van die berg afgekom het was hy so kwaad dat hy die twee kliptafels met die wet op stukkend gegooi het.

Moses het hierdie ongelooflike oomblik met God gehad waar God self met sy vinger op die kliptafels geskryf het en met Hom gepraat het.

En wat kry Hy toe hy onder kom?  ‘n Goue kalf voor wie almal dans en aanbid.

Blykbaar het hulle so verveeld geraak terwyl hy weg was dat hulle dronk geword het, orgies gehad het, en metaal gesmelt het vir ‘n afgod.

 

Moses het eenvoudig genoeg gehad.  Hy het die kliptafels met die wet stukkend gegooi.

Hy het skoon gemaak. Ons sien in Eksodus 32:28 dat 3000 hulle lewens verloor het daardie dag.

Weet jy wat het hom so kwaad gemaak? Nie omdat hulle nie die wet gehoorsaam het nie.

Nie omdat hulle nie gedoen het wat hy gesê het hulle moet doen nie.

Hy was kwaad omdat hulle die “plot” verloor het.

 

Hy was kwaad omdat hy geweet het watter intimiteit daar tussen Hom en God was, en sy eie mense het gekies om hulle eie manier te volg.

Hy wou hulle leer van God se karakter en sy teenwoordigheid.

En wat doen hulle?  Hulle kies hulle eie begeertes en aanbid ‘n afgod.

As Moses vandag hier was sou Hy een ding gesê het, daar is niks wat kan vergelyk as om saam met God te beweeg.  Absoluut niks kan vergelyk daarmee nie.

 

Dink aan God se getrouheid oor jou lewe.  Sal jy dit wil verruil vir jou eie plan?

Dink aan alles wat God vir jou gegee het.  Sal jy dit wil verruil vir ‘n goue kalf?

Dit is presies wat die Israeliete gedoen het.

Dink aan al die seëninge wat jy van Hom ontvang het.

En tog gaan ons aan met ons gejaagde lewe om te dink dat Hy niks daarmee te make wil hê nie.  Ons is besig met die goed wat ons MOET DOEN dat ons reg verby God hardloop.

 

Ek dink Moses sou vandag vir ons sê, “Wil jy God se vriend word?  Sit elke dag tyd uit vir Hom.  Gesels met Hom gereeld.  Maak ‘n afspraak met Hom.

Moenie dat ENIGIETS in jou pad staan nie.  Ek dink hy sou sê, “Ek weet jy dink jou manier is beter.  Maar jou eie getuienis bewys dat dit nie waar is nie.”

Beweeg en leef saam met God, elke uur, elke minuut van die dag.

 

Wanneer jy ‘n belangrike vergadering of gesprek het wat in jou dag gaan gebeur, wat doen jy?  Jy sy vir ‘n paar vriende of jou gesin, vandag 11uur.  Dink aan my, ek het daardie belangrike gesprek wat kom.  Bid vir my, dat die Here my wysheid sal gee.

Dit is presies wat Moses gedoen het.  Die grootste ding in sy lewe het voor hom gelê –

Hy moes ‘n aardse woning vir God bou.  En Hy sê vir God, “Ek gaan dit nie sonder U doen nie.  Nie een tree as U nie saam met my gaan nie.”

 

Eks. 33:15,17    “Toe het Moses vir Hom gesê: “As U nie self saamgaan nie, moet U ons nie van hier af laat wegtrek nie.  Die Here het vir Moses geantwoord: “Ook wat jy nou gevra het, sal Ek doen. Ek is jou goedgesind en Ek ken jou op jou naam.”

As dit jou nie laat voel, ek wil God ook so ken nie, dan ken jy God nog nie goed genoeg nie.  God vind plesier in ons, vriende.  Hy ken jou naam.  Hy wil hê jy moet Hom beter leer ken.

 

En wat doen ons?  “Here, ek moet net hierdie dinge gedoen kry.”

“Here, ek kan net nie vroeg in die oggend opkom nie.”

“Here, dinge gaan so rof by die werk, ek kry nooit my werk klaar nie.”

Of sê ons, “Here, ek stap nie by hierdie deur uit vandag as U nie saam met my is nie.”

 

Jy sien vriende, ek dink ons skedules moet nie opgemaak word deur die dinge wat ons gedoen wil kry elke dag nie.  Want dit is hoe meeste van ons, ons skedule bepaal.

Ons dink aan al die goed wat ons gedoen moet kry sodat ons nie in die moeilikheid by die werk of by die huis gaan kom nie.

Ons TO DO lyste moenie ons skedule bepaal nie.

Eerder, WIE WIL JY GRAAG WEES / WORD?

 

As jy graag iemand wil wees wat God se stem ken en gehoorsaam, dan sal daar daagliks tyd op jou skedule moet wees al is dit net 15 min. om met Hom tyd te spandeer.

As jy graag ‘n ouer wil wees wat kinders in God se wil grootmaak, dan sal jy genoeg tyd met hulle moet spandeer sodat hulle ervaar hulle is belangrik in jou oë.

As jy graag ‘n meer gebalanseerde lewe wil leef, dan sal jy die dele van jou lewe wat te swaar weeg moet afskaal totdat die dinge wat vir jou eintlik belangrik is op jou skedule beland.

 

Ek weet dit klink baie maklik en jy dink nou, wel jy kan dalk jou goed reël soos jy wil maar ‘back in reality’ werk my lewe nie so nie.  Wel, dan wil ek jou herinner aan ‘n iets wat in jou lewe gebeur het te midde van ander realiteite in jou lewe.

Jy het verlief geraak toe jy ‘n voltydse werk gehad het – en raai wat, julle het vir ure gekuier.  Jy het kinders gekry terwyl jy reeds ‘n besige lewe gehad het – en raai wat, jy het tyd gemaak om hulle te voer, te bad, met hulle te speel.

Die dinge wat ons kies word vir ons belangrik.  Maak seker wat jy kies.

 

Wie wil jy graag word?

Watter aanpassings moet jy maak om daardie mens te word?

Dit is baie keer die klein besluite wat soos ‘n domino effek in ons lewens skep en al groter en groter impak het op ons toekoms. Wat is daardie klein domino besluit wat jy vandag moet maak?

Vereenvoudig jou lewe – Die ÉÉN ding wat jy nodig het.

/in /by

[powerpress]

Daar is iets wat ek waarneem in mense se skedules.

Teen Januarie is meeste redelik entoesiasties en opgewonde oor die lewe en werk.

Hulle sien kans vir nuwe dinge en hulle verhoudings is op ‘n goeie plek.

Hier teen Februarie-Maart begin ek egter ‘n tendens waarneem:  Mense begin praat oor hoe besig hulle is.  Hulle weet nie hoe gaan hulle alles inpas in hierdie kwartaal of jaar nie

 

Teen April is daar so bietjie verligting wanneer daar weer langnaweke is en dan is dit ‘n opdraande pad.  Teen Oktober-November hoor mens die woorde:

Ek is oorweldig, ek is uitgeput, ek is te besig.  Dit is letterlik of baie mense op die spreekwoordelike beseringsbank is en net uitsien na jaareinde.  Net om alles weer van voor af te doen vir ‘n volgende jaar.  Kan enigiemand daarmee “relate”?

 

Ek dink nie dit is die tipe lewe wat Jesus vir ons wil hê nie.  As ons Jesus se dissipels is en ons volg in sy se voetstappe dat moet ons na sy lewe kyk.

Selfs al is ek nog soekend en onseker ‘n klomp dinge dink ek nog steeds dat ons nie konstant moet leef van naweek na naweek en vakansie na vakansie omdat ons oorstuur is nie.

Jesus het honderde mense gehad wat Hom gevolg het gedurende sy bediening.

Hoe meer Jesus lering gegee het, hoe meer mense het Hom begin volg.

Hulle wou meer wonderwerke, meer teachings, meer raad van Hom af hê.

En tog kry mens nooit die idee dat Hy uitgeput, oorwerk of te besig was nie.

 

Van tyd tot tyd het Hy ‘n breek gevat en dan het Hy dit saam met Sy naaste dissipels Petrus, Jakobus en Johannes gespandeer.  En dan was daar 3 wat broers en susters was – Lasarus, Maria en Martha.  Jesus was baie lief vir hierdie mense.

Met een geleentheid het Jesus so kuier nodig gehad en het Hy by Maria en Martha gestop.

 

Luk. 10:38-42    “Toe Jesus en sy dissipels hulle reis na Jerusalem voortsit, het hulle in ’n dorpie gekom waar ’n vrou, Marta, hulle in haar huis verwelkom het. Haar suster, Maria, het aan die Here se voete gesit en luister na wat Hy hulle leer. Maar Marta was bekommerd oor die groot ete wat sy besig was om voor te berei. Sy kom toe na Jesus en sê: “Here, lyk dit darem nie vir U onregverdig dat my suster net hier sit terwyl ek al die werk doen nie? Sê sy moet my kom help.” Maar die Here het geantwoord: “Marta, Marta, jy kwel jou tog oor so baie dinge! Daar is regtig net een ding wat nodig is om oor besorg te wees. Maria het dit ontdek – en Ek gaan dit nie van haar af wegneem nie.”  NLV

Mens kan die dinamiek van hierdie situasie sommer insien.  Jesus besluit om ‘n onbeplande besoek by hulle af te lê.  Lasarus is nie daar hierdie dag nie.

Daar was nie tyd om alles reg te kry vir Jesus se besoek nie.

 

Jesus was besig om te preek, om met Fariseërs te debatteer, genesings te doen en gebid.  Hy wou net stop, uit ‘bedienings – mode’ kom en te ‘recharge’ met sy vriende.

Een van die susters, Maria, trek ‘n stoel nader en ek kan haar net hoor sê, “Jesus, ek is so bly dat jy by ons kom kuier het.  Hoe was die laaste paar weke?  Hoe groot pyn was die Fariseërs gewees?  Vertel ons maar, ons is mos vriende.  Ek is so bly jy’s hier.

 

Intussen is die ander suster besig om alles in die kombuis reg te kry vir ‘n ete.

Marta is druk besig om alles vir Jesus reg te kry sodat hy lekker kan kuier.

Maria is in die sitkamer besig om Jesus geselskap te hou.  So daar is nie probleme nie, reg?

Wel, nie heeltemal nie.  Na so rukkie ontplof Marta.  Sy is vies.  Sy loer nie om die hoekie, maak oog kontak met Maria en roep haar nader nie.

Nee, sy laat ook nie so paar panne val in die kombuis dat Maria die boodskap kan kry nie.

 

Sy bars by die sitkamer in waar Jesus en Maria sit en gesels en sy verloor dit.

Sy praat nie eers met Maria nie sy is so vies dat sy sommer Jesus aanvat.

Onthou jy wat haar eerste woorde was?  “Is dit darem nie vir U onregverdig dat my suster net hier sit terwyl ek al die werk doen nie?”

Die Engelse vertalings sê, “Don’t you care?”  Nogal ironies nê?

Hier is die Seun van God wat homself vir ander mense uitgegiet het, preek, mense gesond maak, debatteer met mense wat Hom wil uitvang en nou beskuldig Marta hom dat Hy nie omgee nie…    Dan raak dit erger…  Sy sê, “Sê sy moet my kom help.”

Ek kan myself nogal indink dat sy so paplepel in die hand kon gehad het en na Maria toe gewys het en gesê het, “Sê jy vir haar, sy moet my kom help.”

Luister Jesus, sê jy vir hierdie lui suster van my dat sy my moet kom help, voordat ek met hierdie lepel iets doen.  (Dit is nie in die teks nie, ek verbeel my maar.)

As ek Jesus was, kan ek aan ‘n paar dinge dink wat ek vir haar sou gesê het in die oomblik.

Jesus se reaksie?  Hy vat haar nie aan nie.  Hy praat heel rustig en sê haar naam 2 keer:

“Marta, Marta.”  Wat Bybelse taal is vir rustig Marta, drink ‘n chill pil gou.  Dan sê Jesus:

“Marta, Marta, jy kwel jou tog oor so baie dinge!”  Luk. 10:41

Hy beskuldig haar nie. Hy sê nie wat sy doen is onbelangrik nie. Hy het net ‘n observasie.

Jesus sê, kom ek vereenvoudig net gou dinge so bietjie vir jou Marta:  Wanneer ek kon kuier, dan is dit basies vir vriendskap. Dit is vir konneksie. Dit is vir fellowship met vriende.

As Ek ‘n vyfster ete wou gehad het kon ek dit gereël het.  Ek het so paar weke terug 5000

mans kos gegee, jy weet.  So rukkie terug het ek shiraz by ‘n troue gemaak.

Iets om te drink en te eet is nie my probleem nie, Marta.

 

“Daar is regtig net één ding wat nodig is om oor besorg te wees. Maria het dit ontdek – en Ek gaan dit nie van haar af wegneem nie.”  Luk. 10:42

Regtig Marta, wanneer Ek kom kuier, dan is net een ding eintlik belangrik.  Maria het dit begryp.  Ek gaan dit nie van haar af wegneem deur haar kombuis toe te stuur nie.

Ek is hier vir geselskap, fellowship en vriendskap.

Jy moet eintlik hier by ons kom sit want jou hart begeer eintlik iets om weg te kom van al daai gejaagdheid en besigheid in jou lewe. Los die goed wat jy wil doen en wat op jou besige program is en kom sit hier en geniet net die ongejaagde geselskap van my en jou suster.

 

Hierdie is ‘n wonderlike storie.  Dit is eintlik ‘n teenstelling.  Net voor dit vertel Jesus die storie van die Barmhartige Samaritaan waarvan die punt eintlik aksie is.

Wanneer jy iemand in nood sien, wees aktief.  Help hulle, doen iets.

Nou hierdie situasie met Marta en Maria wat heeltemal anders is.

 

So, in al jou besigheid, in al jou take en aksies moenie uit die oog verloor dat die fundamentele ding waarna Jesus opsoek is, verhouding is.  Nie werke nie.

Ongejaagde tyd vir Hom.  Ons grootste probleem is nie ons besige programme nie.

Dit is gejaagde harte.  Dan is daar nie tyd vir God in ons lewens nie.

Hoeveel van ons sukkel met gejaagde hart sindroom?

En jy is oorweldig en uitgeput vér meer as wat jy veronderstel is om te wees?

 

Nog ‘n vraag: Dink jy dat ‘n eerlike gesprek, in ‘n rustige plek met Jesus wat lief vir jou is, sal jou dalk so bietjie sal help?

Dink jy Jesus was reg toe Hy vir Marta gesê het, dat haar enigste hoop vir haar oordrewe sin van verantwoordelikheid wat haar tot absolute uitputting gedryf het is om ‘n stoel nader te trek en ‘n gesprek met die Een te hê wat haar besige, gejaagde hart kan stil maak en haar ware Noord weer kan kalibreer?

 

In 2006 het ek ‘n muur geslaan, emosioneel was ek heeltemal uitgeput.

Ek het ‘n sielkundige gaan sien en hier is wat ek vir hom gesê het:

‘n Onvermoë om dinge te geniet.  Gevoel van alleenheid en geen intieme vriendskappe.

Oordrewe doelgerigtheid wat veroorsaak dat ek konstant teleurgestel word.

Nie genoeg ‘recovery’ tyd nie.  Lang ononderbroke werkpas.

Gevoel van verlies.

Baie gou geïrriteerd en ongeduldig en emosioneel

My identiteit is gebou rondom my bediening.  Ek weet nie wie ‘ek’ is nie.

Slaap min, sukkel om aan die slaap te raak.

 

Dit is wat gebeur wanneer jou emosionele emmer leeg is. (Prent)

Wanneer jy disconnected voel van jouself, mense en God.

Wanneer jy sit met gejaagde hart sindroom.

Wanneer jy probeer vol maak maar die gate in jou emmer is meer as die invloei wat bo gebeur.

 

Maar wanneer jou emmer vol is, hoe ervaar jy dinge dan?

Jy voel meer liefdevol teenoor mense.  Jy maak beter en wyser besluite.

Jy ervaar God se teenwoordigheid meer konstant.  Daar is dankbaarheid in jou hart.

Ek is meer geduldig met my familie.  Ek gee meer om vir ander mense ook.

Dalk wanneer jy vol is, leef jy die lewe wat Jesus jou geroep het om te lewe?

En die vrede wat alle verstand te bowe gaan waarvan die Bybel praat is in jou lewe.

So dit is moontlik, is dit nie?  Ek glo ons almal was al daar gewees op ‘n stadium.

 

Maar wanneer jy leeg is, hoe voel dit?  Die eerste woord wat ek aan dink is – onregverdig.

Marta se woorde – Jesus, dit is onregverdig dat ek so moet werk en Maria sit net daar.

Dan begin ons met verwyte en dinge voel dat dit nie meer vir ons sin maak nie.

Jy sit so baie in, jy gee so baie om – en kyk wat kry jy terug?  Niks of baie min.

Jy voel uitgeput, oorweldig, liggeraak en raak gou geïrriteerd.  Enigiemand?

Ek dink dit is reg om te sê dat nie een van ons op ons beste is wanneer ons hier is nie.

 

As jy besluit om vanuit ‘n vol emmer te leef gaan jy ‘n klomp mense ook teleurstel.

Want net soos Jesus ‘n konstante stroom van mense gehad het wat sy aandag, bediening en raad wou hê moes Hy ongelukkig baie van hulle teleurstel.

Baie moes wegstap en dink, maar Hy is dan die Seun van God, hoekom wil Hy nie my help nie?

Maar Jesus moes tyd maak om by Sy Vader te gaan sit.  Hy moes tyd maak om by sy vriende uit te kom.  Hy moes dinge doen om seker te maak dat sy emmer weer vol raak.

 

Ek dink deel daarvan is om te ontdek wie jy regtig is?

Wat is jou gawes?  Wat is jou roeping?  Waaroor is jy passievol?

Hierdie is alles dinge waarmee ons jou kan help in die gemeente en wat ook deel van ons dissipelskap program is.

Maar daar is net een persoon wat jou emmer weer vol kan maak – en dit is JY.

 

As jy naby aan leeg is sal jy dinge soek om die onvermydelike te probeer uitstel.

Sommige mense werk net harder.  Hulle raak soos werkesels wat nooit ophou werk nie.

Hoekom dinge doen wat ander mense kan doen?  Daarmee bedoel ek, as jy omkap, dan sal hulle net ‘n ander jy kry wat die werk doen wat jy gedoen het.

Maar die dinge wat niemand anders as jy kan doen nie – om ‘n pa/ma te wees, om ‘n vrou vir jou man te wees. Niemand anders kan dit doen nie! Geen plaasvervanger kan dit doen nie.

Hoekom is dit dan ons hierdie verhoudings so maklik afskeep?

 

Ander van ons kies weer een of ander vorm van verslawing.

Kos – ons ooreet met elke ete want dit laat ons beter voel.

Alkohol en pornografie – maniere om te vlug van die realiteit af.

Koop – dinge wat ons dink ons gelukkig sal maak.

Maar as jou emmer leeg is – dan sal geen ding, geen vakansie, geen persoon dit weer vol kan maak nie.  Net God en jy wat saam tyd spandeer.

 

As jy daardie paplepel in die hand het en vir almal vertel wat hulle moet doen dan is dit dalk tyd dat jy die stoel nader trek en daardie gejaagde hart stil maak.

1. Hoe vol is jou emmer?

As Jesus dit sê, hierdie EEN DING het jy nodig, praat Hy met jou?

(Prent)  Ek hou hiervan.  Is hierdie beeld waar in jou lewe?

Dit is die begin – as jy sukkel daarmee, kan ons jou help.

Jou hand styf in God se hand.  Wanneer dit in jou lewe ‘n realiteit is op ‘n daaglikse basis sal jou emmer voller en voller raak maak nie saak hoeveel druk jy op jou het nie.

 

2.  Watter dinge het jy nodig om te doen sodat jou geestelike en emosionele emmer vol bly? 

Die dinge wat jou altyd opgewonde gemaak het.

As jy begin ontvlug het, of vasgevang geraak het in iets…  Besef dat DIT jou lewe op die ou einde sal vernietig, om nie te praat van die verhoudings wat gaan verlore gaan nie.

Familie?  Werk?  Ontspanning?  Oefening?

 

Wanneer jy aan die onderkant van jou emmer is, gaan jy besluite neem wat jou lewe baie gaan kompliseer.  Dit is nie God se wil nie.

God se wil is – hierdie prent wat jy sien. (Foto van Jesus met iemand op bankie).

Dalk moet jy vanoggend jou afstand en ontvlugting bely en Hom weer vra of jy net weer by Hom kan gaan sit.

 

Hy sal die sterkste hervulling van jou geestelike en emosionele emmer wees.

Dalk moet jy gaan verskoning vra aan jou familie of vriende omdat jy oor die rand (edge) was die laaste tyd.

Jy is jou beste self wanneer jou emmer konstant vol is.