Oggenddienste

Tydens die inperking is Impetus se dienste aanlyn by www.youtube.com/impetusgemeente en op ons Facebook Bladsy

Ons oggenddienste is gerig op die hele gesin. Die aanslag is hoofsaaklik Afrikaans. Die prediking gaan oor toerusting en oor ‘hoe-om-te-doen’ sake. Die diens vind plaas in ‘n veilige nie-bedreigende atmosfeer waar mense begelei kan word om te groei in hul verhoudings met God en mekaar. Die atmosfeer is informeel en semi-gewyd. By elke diens sal jy vriendelik ontvang word, ‘n gemaklike sitplek aangebied word, kan saamsing met moderne aanbiddingsmusiek, luister na ‘n relevante boodskap en genooi word om saam te kuier oor ‘n koppie koffie of tee.