Nooit weer… moet jy glo dat jy almal tevrede kan stel nie

/in , , /by

[powerpress]

Ons reeks nooit weer nie… gaan oor ’n paar algemene lewenswyshede wat ons almal op ‘n stadium in ons lewe moet leer.

Week 1: Nooit weer moet ek iemand wees wie ek nie regtig is nie.

Week 2:  Nooit weer moet ek iemand anders probeer verander nie.

Vandag- Nooit weer moet jy glo dat jy almal kan tevrede stel nie.

Die gevoel dat ander my raaksien en lief vir my is, is ’n basiese menslike behoefte.

 

Vandag gaan ons sê, ek gaan nooit weer vir die goedkeuring van ander mense lewe nie.

Is dit okay met julle?  Hou julle van my idee?  Dra dit julle goedkeuring weg?

Laat dit jou ook goed voel?  Hou jy van my boodskappe?  Hou jy van my?

Die realiteit is, meeste mense wat in die openbaar op te tree, mense soos pastore, het ’n diep behoefte aan aanvaarding.

Mense wat baie gedrewe is, baie goed is in sport, goed is in musiek of akademies het ’n diep begeerte om hulself te bewys.

 

Prov. 29:25        “Fearing people is a dangerous trap, but to trust the Lord means safety.”  NLT

 

Van my eerste begeertes as kind was die gevoel, my pa is hier, ek wil tog net goeddoen dat ek sy goedkeuring kan wegdra en dat hy trots op my kan wees.

Meeste ouers is vir hulle kinders lief ten spyte van… maar die leuen wat ’n goedkeurings verslaafde glo is – as ek goeddoen, myself bewys, dan sal hy / hulle my liefhê en aanvaar.

Die goedkeringsverslaafde is baie keer die uitblinker op skool.

Wanneer ek begin werk, gee ek my 120%.  Ek kom eerste in, ek loop laaste.

Ek doen my werk so goed dat my baas of ander my kan prys.

Niks is te veel gevra nie.  As jy my in die middel van die nag bel om uit te vind wat iemand se nommer is, geen probleem nie, ek is tot jou diens.

 

Tekens dat goedkeuring van ander mense vir jou belangrik is:

1.  Dit is vir jou belangrik wat ander dink.

Dit kan nou en dan wees, dit kan feitlik altyd wees.

Bv. as jy ooit ’n publieke praatjie moes lewer dan het jy ’n senuweeagtige gevoel gehad.

Hoekom is jy op jou senuwees?  Want jy is besorg oor wat die mense wat na jou gaan luister dink oor jou praatjie.  Het dit vir hulle iets beteken?  Het ek sin gepraat of snert?

Sosiale media.  Jy maak ’n plasing en so minuut later begin jy kyk wie hou van jou opmerking.  Wie deel dit?  Het iemand daarop kommentaar gelewer?

Selfie.  Wat dink julle van my selfie?

So nou en dan, dan gaan ons uit vir ’n spesiale geleentheid.

Wat sê meeste vrouens?  Ek het niks om aan te trek nie…  regtig?

Hoe lyk hierdie een?  Wat probeer jy vir my sê?

 

2.  Jy is baie sensitief vir gevoelens.

’n Honderd mense sal vir my kom sê, hey Braam, ek het van jou boodskap gehou.

Maar die een ou wat sê, het jy gehoor wat Andy Stanley van hierdie onderwerp gesê het, wow, dit is net amazing.

Waarna toe gaan die goedkeuringsverslaafde?

Ek is ’n mislukking.  Ek is nie goed genoeg nie.

Jy fokus op die 5% se opmerkings en die 95% s’n vergeet jy heeltemal.

 

Wanneer iemand dalk ongevra ’n stukkie raad aan jou gee of dalk kritiek.

Wat maak jy daarmee?  Raak jy onmiddellik verdedigend en wil die persoon reg help?

Raak jy dalk sarkasties en maak een of ander skerp opmerking sodat die persoon op sy plek gesit word?

Of bly jy dalk stil en dink in jou binneste, jou idioot, sien jy nie die groot balk in jou eie oog raak nie en dan wil jy die splinter in my oog kom raaksien.  Gaan vlieg.

 

3.  Jy laat jou waardes gaan. (Compromise)

Jy gaan kompromieë aan.  Jy glo iets met jou hele hart, maar jy is bereid om aan te pas of stil te bly sodat jy nie ongewild raak nie.

’n Jong meisie wat by ’n ou hoor, as jy regtig lief vir my is… dan sal jy…

Of die manne wat om die braaivleisvuur begin vuil grappe te vertel en skielik ken jy ook een of twee.  So jy gaan ’n kompromie aan met jou waardes.

Of jy glo nie daaraan om skuld te maak nie maar die vakansie kom nader en ALMAL gaan weg of het ’n nuwe karavaan gekoop… jy kan tog nie met jou 1980 model daar aankom nie.

Hoekom doen ek dit?  Want ek wil tog nie hê dat ek moet uitstaan as almal met hulle 2015 model karre en karavane langs my staan in Hartenbos nie.

As dit waar is, merk hom af.  Ek compromise my waardes soms.

 

4.  Dit is vir jou moeilik om “nee” te sê.

Iemand vra jou, kan jy my kom help?  En binne jou skree jy, nee, net nie nou nie, ek is ongelooflik besig hierdie week, ek voel of ek verdrink.

Maar dit wat uit jou mond kom is: “Natuurlik, ek sal kom kyk.”

En dan is daardie aaklige gevoel van skuld want uiterlik sê jy “ja” maar binne jou begin jy voel jy almal is ondankbaar en hulle misbruik jou altyd.

Uiterlik wil jy tog nie iemand teleur stel nie maar innerlik verdrink jy omdat jy oorweldig voel.

 

Hoekom doen ons dit?

Die rede is omdat ons ego’s ongelooflik onseker voel.  Insecure.

Ons ego’s wat gevorm word vandat ons 2 jaar oud is skree ons hele lewe lank uit:  “Hou van my!  Hou van my!  Aanvaar my!  Laat my goed voel oor myself!”

En as ons nie versigtig is nie dan sal ons een van die grootste waarhede en gevare in hierdie lewe mis:

 

Wanneer wat mense van ons dink, vir ons belangrik word, is dit die maklikste manier om te vergeet wat God van ons dink.

Vrees vir mense is ’n gevaarlike slagyster, sê

Spreuke 29:25  “Jy stel vir jouself ’n slagyster as jy vir mense bang is.  Jy beveilig jou lewe as jy op die Here vertrou.”

Dit is ’n trap sê die Engels.  Dit is soos ’n jagter wat ’n slagyster stel en dan trap iets in ’n stadium daarin en hy kan nie loskom nie.

 

1 Sam. 15:24     “Saul sê toe vir Samuel: “Ek het gesondig, want ek het die bevel van die Here en u opdrag oortree omdat ek vir die manskappe bang was en na hulle versoek geluister het.”  AFR83

Saul was banger vir sy manskappe as vir God.  Hy wou in hulle guns wees.

Wat is die uiteinde?  Die Here het hom verwerp en hy het sy koningskap verloor.

 

Dink aan Jesus se dood.  Dit was goedgekeur deur iemand wat aan goedkeuringsverslawing gelei het.

Mat. 27:21-22     “Toe die goewerneur dus weer vir hulle vra: “Wie van hierdie twee moet ek vir julle vrylaat?” het hulle geskree: “Barabbas!”  “Maar as ek Barabbas vir julle vrylaat,” het Pilatus hulle gevra, “wat moet ek dan met Jesus die ‘Messias’ doen?” Hulle roep almal: “Hy moet gekruisig word!”

 

Wat is die probleem?  Wel, dit is so gevaarlik dat dit soos ’n afgod in jou lewe raak.

Mense se goedkeuring raak vir my belangriker as God se goedkeuring.

Mense raak groter, God raak al hoe kleiner.

Deesdae sien ek dit baie in ouerskap raak.  Ouers wat dink hulle hoofdoel in hulle kinders se lewe is om hulle vriende te wees en hulle gelukkig te maak.

As jy ’n dissipel van Jesus is, kan die opinie van mense nie vir jou ’n obsessie raak nie.

 

God het ons geskep om vir ’n gehoor van EEN te lewe, nie vir ’n gehoor van baie nie.

Daar is net EEN wie se goedkeuring, aanvaarding en opinie vir ons moet saak maak – God alleen.

Dit is onmoontlik om beide vir die gehoor aanvaarbaar te wees en vir God.

Ons ego wat heeltyd uitskree, Hou van my!  Aanvaar my!  Is eintlik is stuk gebrokenheid in ons wat ons na God toe moet neem waar Hy alle imperfeksie of gebrokenheid kan genees.  Waar Hy wat eintlik saak maak vir ons kan sê, “Ek is lief vir jou.

Ek aanvaar jou soos jy is.  Ek vergewe jou vir jou foute.”

 

Om vir ’n gehoor van EEN te lewe beteken dat ek ander se opinie en goedkeuring ondergeskik aan God s’n sit.

Gal. 1:10   “Probeer ek by mense in die guns kom? As ek nog steeds die guns van mense soek, sou ek geen dienaar van Christus wees nie.”  AFR83

Wat se Paulus?  Ek kan nie mense dien as ek ’n dienaar van Christus is nie.

 

Een van die mees bevrydende en grootste oomblikke in jou lewe kan wees wanneer jy besluit om elke dag te begin met die wete:

Ek leef vir ’n gehoor van EEN en nie van baie nie.

En soos enige verslaafde elke dag weer die besluit moet neem om bv. nugter te bly moet ’n goedkeuringsverslaafde ook elke dag weer besluit om net vir God te lewe.

En soos wat ’n verslaafde swak oomblikke het om weer terug te val na ou gewoontes toe sal ek en jy in ons “af tye” die versoeking hê om weer mense te please i.p.v. God.

Dit bly ’n worsteling jou hele lewe lank.

 

Die oomblik wat jy ’n besluit neem sal daar iemand wees wat nie van jou besluit sal hou nie.  Die enigste manier om almal altyd gelukkig te maak is om nooit iets te doen of te sê nie.  Dit is onmoontlik.

As dit moontlik was, sou jy ’n paar mense moes wees, want vir die klomp sal jy so moet wees en die ander klomp sal jy so moet wees.

Om so te leef sal jy soos ’n golf in die see wees wat op en af gaan en wat vir niks regtig staan nie.  Jy sal ook die verkeerde mense gelukkig maak.

Luk. 6:26  “Daar wag groot probleme op julle as julle net altyd wil hê dat mense mooi dinge oor julle moet sê; as julle alles in julle vermoë doen om ander te beïndruk.”

 

1. Groot besef: Jy kan nooit almal gelukkig maak nie maar jy kan God gelukkig maak.

Mense wat die moeilikste is om tevrede te stel is gewoonlik die mees egotistiese mense.

Hulle is net gelukkig wanneer jy doen wat vir hulle goed is en dit is gewoonlik nie goed vir almal nie.

Wees eerder ongewild by baie maar gewild by die EEN wat jou eendag gaan oordeel.

Rom. 14:12   “Elkeen van ons sal dus oor homself aan God rekenskap moet gee.”AF83

En wat liewer vir jou is as wat enige mens op aarde nog ooit vir jou was.

Jer. 31:3    “Ek het jou lief met ’n liefde wat nooit ophou nie. Ek trek jou met troue liefde na My toe.”  NLV

 

2. Groot besef: Leef vanuit God se goedkeuring i.p.v. vir mense se goedkeuring.

Dit sal jou lewe transformeer wanneer jy hierdie waarheid internaliseer.

Om jou behoefte aan goedkeuring en aanvaarding en liefde by God te kry is iets wat gebeur wanneer jy gereeld tyd saam met Hom spandeer en Sy liefde ervaar.

Dit raak naderhand iets innerlik, wat van binne af kom i.p.v. iets uiterlik wat die heeltyd van mense af moet kom.

My waarde is nie gebaseer op wat jy van my sê of dink nie maar is gebaseer op wat God van my sê en dink.

Wanneer jy my teleurstel moet ek weet, niemand is perfek nie.

Jy gaan my met tye teleurstel.  En ek gaan jou met tye teleurstel.

Daar is net een wat perfek is en dit is God.

Net Sy liefde is perfek.  Net Sy aanvaarding is perfek.

 

Wanneer dit by mense kom, moenie soek na perfektheid nie, soek eerder na die goeie in mense.  Die goeie is in elke mens want God se vingerafdrukke is in elke mens.

Leef vir ’n gehoor van EEN.  Maak net EEN in die lewe gelukkig.

Leef vanuit hierdie AANVAARDING en nie vir die aanvaarding van ander nie.

Nooit weer… moet jy probeer om iemand anders te verander nie

/in , , /by

[powerpress]

Lukas was ’n baie suksesvolle sakeman wat baie mpy.’e gestig het en ’n fortuin gemaak het.  Sy seun was die mees aangewese keuse om die besigheid oor te neem aangesien sy dogter nie in die besigheid belang gestel het nie.

Nadat Morné graad gevang het, het hy vir twee jaar in Engeland gaan werk en toe het hy teruggekom S.A. toe om saam met sy pa te kom werk in die besigheid.

 

Morné het in verskillende afdelings van sy pa se besighede begin werk.  Dit was opwindend in die begin. Maar Lukas het met tyd begin agterkom dat Morné nie altyd betyds vir werk opgedaag het nie en soms glad nie ingekom het nie.

Soos tyd verloop het, het Lukas gedink dat dit tyd is om Morné meer verantwoordelikheid te gee en het hy hom in die bemarkingsafdeling aangestel omdat Morné nog altyd baie kreatief was en gehou het van strategie.

 

Maar dit het nie lank geneem voor Morné se onmiddellike hoof met hom gefrustreerd begin raak nie. Morné het ’n baie ontspanne traak-my-nieagtige houding teenoor alles gehad.

Morné se hoof het na sy pa toe gegaan en dit met hom bespreek maar Lukas het gevoel dat sy seun nog besig was om aan te pas en dat hy mettertyd homself sal regruk.

Wat ’n ongelooflike geleentheid was dit nie, om sy pa se besighede wat miljoene werd was eendag te bestuur.

 

Lukas het sy bes probeer om vir Morné te motiveer, om hom entoesiasties te maak oor sy werk.  Hy het vir hom groot bonusse gegee wanneer hy iets bereik het.

Dan het dit gelyk op daar so effense verbetering kom maar binne so paar weke gaan Morné maar net weer terug na sy laisse faire benadering toe.

 

Lukas het met ’n mentor gepraat oor Morné en raad gevra?  Die ou mentor wat ’n goeie vriend was, het vir Lukas gevra: Is jy bereid om hom af te dank indien hy nie verbeter nie?  Lukas het nie die vraag verwag nie.  Afdank, nee, hoekom, hy sal mos regkom en die erns van dinge besef, maar Lukas het een van die fundamentele beginsels in die lewe nie besef nie:  Jy kan nie ’n ander persoon verander nie.

Morné het twee dinge nodig gehad wat hy nie ontwikkel het nie.  Honger en passie.

Hy was nie honger genoeg om die dryfkrag te hê om te doen wat nodig is om ’n groot besigheid te bestuur nie.  En hy was nie passievol oor die besigheid self nie.

Lukas het gedink as hy net hom meer tyd gee, harder probeer sal sy seun ook die suksesvolle besigheidsman word wat hy was.

 

As Morné dit net wil snap?  Reg?  As hy net die kans wat hy kry in die lewe kan raaksien dan sal hy homself verander en meer gedrewe raak.  Maar Morné het nie verander nie en sy pa kon dit nie oor sy hart kry om hom af te betaal nie.

Nadat Lukas dood was, het Morné oorgeneem en die besighede bestuur maar dit was totaal en al uit sy diepte. Binne 10 jaar het hy alles verloor wat sy pa in 40 jaar opgebou het.

 

Nog ’n storie:

Stephanie was verlief op Willem.  Hulle was wonderlik saam.  Die enigste probleem was dat hulle definisie van “saam” baie verskil het.

Vir Stephanie het dit beteken om baie tyd saam te spandeer en ten volle committed te wees om moontlik te trou.  Vir Willem was dit om saam te wees wanneer hy daar is maar as hy besig was met sy sport of werk dan was dit die belangrikste dinge in sy lewe.

Hy was lief vir haar maar op hierdie stadium was hy nie die soort ou om hul verhouding so ’n groot prioriteit te maak soos sy sport vir hom was nie.

 

Dit het baie spanning tussen hulle veroorsaak.  Wanneer hulle saam was, was dit wonderlik maar Stephanie wou meer hê.  Willem het nie van die druk gehou dat hy al sy vrye tyd saam haar moet spandeer nie.

Sy kon nie verstaan hoekom hy nie kon commit om te trou en hulle meeste van hulle tyd saam spandeer nie.

Willem was nie gereed om te doen wat Stephanie graag wou hê hy moes doen en wees nie.  Stephanie het ’n paar keuses gehad:

 

1.  Sy kon aanhou neul, kla en mooipraat en deur hom te beheer te probeer verander.

2.  Sy kon haar verwagtings en behoeftes verander en aanvaar dat dit die soort verhouding is wat hulle gaan hê en in haar eie dinge te begin ontvlug.

3.  Sy kon hom ’n keuse gee om of ten volle te commit tot hulle verhouding of om uit te maak.  Sy was selfs bereid dat hulle iemand saamgaan sien om dinge deur te werk.

 

Wat kies Willem?  Ek gaan nie sê nie, maar dit maak nie regtig saak nie.

Maar deur vir Willem keuse 3 te gee waar hy moet kies om of sy lewenstyl te verander of om eerder die verhouding te beëindig het hy en sy ten minste die vryheid om iemand te kry wat beide van hulle sal gelukkig maak.

Die oomblik wanneer daar ’n magstryd in enige verhouding is, gaan dit oor ’n ‘druk-trek-scenario’ jy probeer om iemand te verander.

 

Hoe hanteer God mense?

Daar is niks in die woord wat sê dat ons nie moet probeer om ander te beïnvloed om te verander nie.  In teendeel, God sê dat ons alles in ons vermoë moet probeer om iemand te verander wat op ’n verkeerde pad is.

Nêrens se God ons moet stilbly oor mense se destruktiewe gedrag of gewoontes wat pyn veroorsaak nie.  Hy sê dat as iemand op ’n destruktiewe manier leef, moet ons probeer help:

Gal. 6:1     “My broers en susters, as ander gelowiges aan die een of ander sonde toegee, moet julle wat julle deur die Gees laat lei, hulle dadelik reghelp. Bring hulle weer terug op die regte pad sonder om hulle te kritiseer of te veroordeel. Maar pas op. Julle kan ook maklik voor die sonde swig. Nie een van julle is verhewe bo versoekings nie.” DB

 

As iemand doen wat sleg vir hulle is, sleg vir jou is, sleg vir hulle geliefdes is, moet ons hulle konfronteer en probeer help insien wat hulle doen, selfs druk op hulle sit deur ander mense te betrek om te help:

Mat. 18:15-16     “As jou broer verkeerd opgetree het teen jou, gaan wys hom tereg waar julle eenkant alleen is. As hy na jou luister, het jy jou broer teruggewen. Maar as hy nie luister nie, neem nog een of twee met jou saam, sodat alles wat gesê word, deur die woord van twee of drie getuies bevestig kan word.”  AFR83

 

God is baie duidelik oor wat Hy van sy verhouding met ons verwag en Hy sê vir ons dat ons ook so moet wees teenoor mekaar.

Hy beskou dit as ’n goeie ding as ons mekaar ten goede probeer beïnvloed.

Spr. 9:8-9  “Moenie ’n ligsinnige mens probeer opvoed nie, hy sal jou daarvoor haat. Voed ’n wyse op, en hy sal lief wees vir jou. Gee jou aandag aan ’n wyse mens, en hy kry meer wysheid, leer ’n regverdige, en sy kennis vermeerder.”  AFR83

 

Ons moet probeer.  Maar soms val alle goeie advies en raad op dowe ore.  En dan is dit tyd om te besef:

Ek kan nie iemand anders kry om te doen wat hulle nie kies om te doen nie – of omdat hulle nie kan nie OF omdat hulle dit nie wil doen nie.

 

Die rede?  Ons kan nooit iemand anders se vryheid van keuse oorneem nie.

Om te probeer om mense te verander, al is dit net in die kleinste dingetjies wat jou irriteer druis in teen die manier hoe God met ons werk.

God dwing nie een van ons om sy robot te wees om te doen wat Hy wil hê nie.

Hy nooi ons wel uit, Hy beïnvloed ons dikwels deur omstandighede en mense.

Maar Hy maak ons nooit om te doen wat Hy selfs weet vir ons goed sal wees nie.

Dit werk nooit nie.

 

Die toepassing van hierdie lewensbeginsel is eindeloos.

  • ’n Kritiese mens wat nooit goedkeuring of positiewe opmerkings gee nie.
  • ’n Verslaafde wat nie wil doen wat nodig is om los te kom nie.
  • ’n Onverantwoordelike mens wat nie wil doen wat gedoen moet word nie.
  • ’n Werker wie se werk nie op standaard is na verskeie gesprekke nie.
  • Iemand wat net ontvang in ’n verhouding en niks wil gee nie.
  • ’n Ouer wat jy wens net anders kan wees.
  • ’n Volwasse kind wat nie wil grootword en beter keuses maak nie.
  • ’n Vennoot wat nie so hard soos jy werk nie.

 

Die beginsel is nie dat ons passief en onbetrokke moet wees in verhoudings nie.

As ons mekaar lief het, sal ons ons bes doen om mekaar ten goede te beïnvloed.

Die kwessie is dat ons ander se vryheid moet raaksien en respekteer om hul eie keuses te maak al is dit hoe sleg vir hulle.

As ons daardie vryheid nie erken nie sal ons een van twee dinge doen:

Ons sal aan hulle karring en neul en aan maniere dink ons hulle te beheer totdat hulle ons begin kwalik neem.

Of ons sal onsself voortdurend frustreer as ons eis dat iemand iets moet wees of doen wat ons wil hê hulle moet wees of doen.

As hulle dit weerstaan sal ons kwaad word, hulle verkleineer of skuldig laat voel.

Dit is moeilik om eerlik en openhartig te wees en verantwoordelikheid te aanvaar vir ons eie wense as ons besef dat ander mense vry is om te doen wat hulle wil doen.

 

Partykeer is die gevolge en konsekwensies die enigste ding wat mense sovêr kry om ’n keuse te maak.  Maar ons kan nie beheer wat hulle kies en selfs of hulle ’n keuse gaan maak nie.

Die gevolge of konsekwensies is nie dat ek hulle maak om ’n keuse te maak soos ek hulle graag wil hê hulle moet maak nie.

Nee, die gevolge is dat hulle die vryheid het om te kies wat hulle wil en dat ons dan ons reaksie kies in die lig van hulle keuse.

 

Dink weer aan Stephanie en Willem.  As dit by Willem se keuse kom, moet Stephanie nie probeer om hom te verander om te doen wat sy wil hê nie.  Dit sal ’n magstryd afgee en sal nooit werk nie.

Om vir Willem ’n duidelike keuse te gee en hom die vryheid te gee om te kies, a of b.

Dit sal ander dinge laat gebeur waaroor sy nie beheer het nie.

Dieselfde vir Lukas en Morné.  Morné moet kies a of b.  En as b sy keuse is dan moet Lukas dit aanvaar al beteken dit dat Morné nie sy empire gaan oorneem nie.

Dit gaan nie oor ompraat, neul, beheer nie. Dit veroorsaak net slegte dinge in verhoudings.

 

Die tema kom regdeur die Bybel voor:

Jos. 24:15 “As julle nie die Here wil aanbid nie, moet julle vandag vir julleself besluit wie julle dan wil aanbid. Is dit die gode wat julle voorouers anderkant die Eufraat gedien het, of is dit die gode van die Amoriete in wie se land julle nou woon? Ek en my huisgesin sal die Here aanbid.”  NLV

’n Duidelike keuse wat Josua hulle gee.  Hy gee hulle die vryheid om te kies.

 

Jesus het dit ook gedoen met die ryk man:

Natuurlik wou Jesus hê die ryk man moet Hom boweal anders kies en die ewige lewe hê. Maar Jesus het nie sy keuse probeer beheer nie.

Toe die ryk man vir Jesus vra wat hy moet doen om die ewige lewe te verkry het Jesus basies vir hom gesê dat sy rykdom tussen hom en God staan en dat hy sal moet kies.

Die man het sy rykdom gekies en weggegaan en Jesus het hom laat gaan:

Mark. 10:22        “Hy het egter geskrik toe hy dit hoor en het bedruk weggegaan, want hy het baie besittings gehad.”  AFR83

So stilswye en passiwiteit om ander positief te beïnvloed is nie ’n opsie nie.

Maar ons moet ander die vryheid gee om keuses te maak en daarop reageer.

 

Die ou spreekwoord lui:

Jy kan ’n perd na die water toe bring, maar jy kan hom nie dwing om te drink nie.

Hoe gelukkig is mense wat frustrasie vermy deur nie te probeer om die perd te dwing om water te drink as hulle nie dors is of van water hou nie.

Wys mense die water.  Wys hulle hoe koel en verfrissend die water is.

Wanneer hulle gedehidreer is, vertel hulle dat water hulle sal help.

Sê vir hulle hoe jy dit sal geniet om water saam met hulle te drink.

Wys hulle wat die water vir jou al beteken het.

 

MAAR weet dat jy hulle nie kan dwing om te drink nie.

Dit is iets wat net hulle kan doen wanneer en as hulle wil.

Onthou… hulle is vry om te kies.

Nooit weer… moet jy dink jy kan iemand dwing om iets te doen nie.

Kom tot inkeer as jy probeer het om ander te probeer beheer.

Laat God toe om die werk te doen wat net Hy kan doen en waaroor jy in elk geval geen beheer het nie.

Nooit weer… sal ek iemand probeer wees wie ek nie is nie

/in , , , /by

[powerpress]

Sommige lesse in die lewe leer ons op die harde manier.

Die Here gee vir ons soveel wyshede in die Bybel maar soms gebeur dit dat die universiteit van die lewe ons ’n paar lesse moet leer.

Dit is waarna ons gaan kyk in hierdie reeks.  Slaggate wat ons moet vermy.

Slaggate wat jou sal laat voel wanneer jy in hulle getrap het, nooit weer nie.

Rom. 12:6 “Ons het gawes wat van mekaar verskil volgens die genade wat God aan elkeen van ons gegee het. Ons moet hierdie vermoëns reg gebruik.”  NLV

 

Vandag se slaggat: Nooit weer… moet jy iets doen wat vereis dat jy iemand moet wees wat jy nie is nie.  Ek het dit al ’n paar keer vertel maar vergun my dit weer te vertel.

Toe ek in matriek was soos hierdie matrieks vir wie ons vanoggend gebid het, het ek baie idees en drome wat my toekoms aanbetref.

Dit was ’n blye dag toe ek matriek geslaag het, nie so goed as wat ek en ander gedink het nie maar ten minste kon ek universiteit toe gaan.

Ek onthou hoe ek besluit het om in te skryf vir B.Com Rek en ek het gedink dat ek ’n C.A. sou word en myself iewers in ’n groot mpy sou opwerk.

 

Halfpad deur my eerste jaar het daar ’n besef by my gekom dat hierdie rekeningkunde waarmee ek nie te sleg was nie, nie my passie kan wees vir my hele lewe nie.

Ek sal nooit die dag vergeet wat ek saam met my pa gery het en vir hom gevra het, sal hy my dwing om iets te doen wat ek nie wil doen nie.

My pa is vanoggend hier, hy sal die dag ook onthou, ek kan selfs die plek in die kar onthou waar ek vir hom gevra het of ek eerder teologie kan gaan studeer want hierdie rekeningkunde en finansiële bestuur sou my van my kopaf maak.

 

Ek wou met mense werk, nie met syfers nie.  Dit was net nie ek nie.

Die grootste besef was natuurlik dat ek die Here se roeping in my lewe al sterker en sterker begin ervaar het.

Ek wou niks anders met my lewe doen as om voltyds vir Hom te werk nie.

Natuurlik het ek my pa se geld vir my eerste jaar op universiteit gemors maar hopelik is die vrug van my besluit sigbaar vandag in my lewe.

Geen geld, goeie posisie of besigheid sou daarvoor kon opmaak nie.

 

As jy nie op die regte plek is nie sal jy innerlik begin verdor, Want ons kan nie vir baie lank iemand wees of doen wat ons nie regtig is nie.

As jy op die regte plek is, sal ’n nuwe wêreld vir jou oopgaan.  Jy sal lewendig voel.

Jou tyd gaan verbyvlieg, voordat jy jouself kan kry, gaan ’n dag verby wees.

Daar gaan ’n diepe genot in jou wees, iets wat geen vergoeding vir jou kan gee nie.

 

Om iets te studeer, om iets te doen dag vir dag wat nie in lyn is met jou gawes en wie die Here jou gemaak het om te wees nie sal die genot en die lewe uit jou dreineer.

En dit sal op allerhande maniere sigbaar word vir mense in jou lewe.

 

Wanneer is dit ’n goeie ding om nie “ek te wees” nie?

Ek sê nie vanoggend dat ’n mens nooit dinge moet doen wat jy nie van hou nie.

Partykeer is dit die verantwoordelike ding om te doen.

Soos om soms ’n werk te aanvaar wat nie jy is nie, maar jy weet dit gaan jou instaan stel om jou gesin te onderhou wat vir jou belangriker is as jou eie gemak.

Wanneer jy iets doen wat nie werklik “jy” is nie doen jy dit om ’n rede wat waarlik “jy” is. Die liefde vir ’n persoon of jou gesin of ’n doelwit in jou lewe.

Wanneer jy dit as opoffering doen, is die motiverende faktor waarlik jy.

 

Bv. Ek is nie ’n blye vroeë opstaner nie.  Ek kan veel eerder laat wakker bly.

Maar kan ek ’n doelwit hê soos verlede jaar gehad het om die Ironman te doen.

Dit het vereis dat ek vir maande lank vroeg moes opstaan sodat ek kon oefen voordat my dag begin. Die vroeë oggende was nie ek nie, maar die oefening en uitdaging was ek.

 

Die naweek het ons die Leadership Summit bygewoon en Jim Collins, een van die sprekers het gepraat van 3 dinge in ons lewe wat bymekaar moet uitkom:

 

Waaroor is jy

baie passievol?

(Jou waardes en missie)

 

 

 

Wat dryf jou ekonomiese enjin?

Tyd, inkomste.

 

Waarmee is jy die beste in die hierdie wêreld?

(Gawes / Talente)

Bly by God se plan vir jou lewe

God het jou op ’n sekere manier gemaak, met sekere vermoëns en passies.

Die Bybel praat van hierdie vermoëns as gawes.  Op Saterdag 7 November gaan ons weer ’n 1 dag retraite aanbied om ons te help om hierdie gawes weer te ontdek en so bietjie af te stof, want van ons het gawes maar ons begrawe hulle.

En ons vergeet dat die Here eendag van ons rekenskap gaan vra van alles wat Hy vir ons gegee het insluitend elke liewe gawe wat Hy vir ons gegee het.

So dit is ons verantwoordelikheid om hulle te ontdek en hulle te begin uitleef.

 

Ons keuses het ewige impak.  Sommige is baie moeilik om te verander.

Ek lees van ’n chirurg wat nie ’n dokter wou wees nie maar hy het een geword a.g.v. die druk van vele geslagte voor hom in sy familie.

Sy ware liefde was musiek en kuns. Hy het probeer om iemand te wees wat hy nie is nie.

Hy het ’n IK van ’n miljoen gehad, wonderlike vaardighede en tog het hy voortdurend foute gemaak – soos om sponse en instrumente in mense se ingewande te vergeet.

Totdat die wanpraktyksake en ontevrede hospitale besluit het om vir hom ’n besluit te neem wat hy jare gelede al moes neem.  Die dokter ding was ‘nie hy nie’.

 

Dit geld nie net vir werk nie.  Ook vir verhoudings.

Sandy wou baie graag twee dinge in die lewe hê.  ’n Huwelik en aansien.

Sy het albei gekry toe sy op Ben verlief geraak het en met hom getrou het.

Die probleem was dat Ben se persoonlikheid, waardes, familie en lewenstyl so gerig was op homself dat hy min plek gehad het vir buigsaamheid en opofferende liefde.

Om met Ben geassosieer te wees, het beteken om met alles geassosieer te wees wat Ben was.

Sandy het nie ingepas nie – nie met Ben nie en nie met wat saam met hom gekom het nie, Maar sy was verlief op die fantasie daarvan en het probeer om iemand te wees wat sy nie was nie, sodat sy kon hê wat sy begeer het.

Ben se familie het haar versmoor en die sosiale druk om iemand met ’n sekere voorkoms en aansien te wees het haar vasgedruk en depressief gemaak.

Maar omdat Ben die status gehad het waarna sy so gestreef het, het sy in ontkenning begin leef dat dit inbreuk gemaak het op wie sy werklik was.

Sy het uiterlik gelyk soos iemand wat ’n droom lewe, met ’n droom man maar innerlik het sy doodgegaan en miserabel en baie verwyte begin leef.

 

Wat sê ek?  Soms moet ons sekere skatte of passies in die lewe prys gee om juis ander te kry wat selfs meer kosbaar vir ons is.

Wat ek ook nie sê nie is: die lewe gaan oor my.

Ek sê glad nie vanoggend dat die lewe oor my of jou moet gaan nie.  Allermins.

Die lewe gaan oor opoffering.  Dit is tog die voorbeeld wat Jesus vir ons gelos het.

Om altyd te doen waarvan ek hou en wat vir my lekker is, druis teen die hart van Christus in.  Om werk te doen wat nie jy is nie maar jou in staat stel om vir jou kind se opvoeding te betaal is die regte te ding om te doen, dit is opoffering.

Om ons eie gerief vir iemand anders of vir ’n groter doel soos God se koninkryk op te offer is die gesindheid en liefde wat Jesus vir ons kom wys net.

Fil. 2:3       “Moet niks uit selfsug of eersug doen nie, maar in nederigheid moet die een die ander hoër ag as homself.”  AFR83

 

Wat ek wel sê is:  jy moet weet wie jy is en wat God vir jou gegee het om te doen.

En as dit beteken dat jy vir seisoene van jou lewe dalk opofferings moet maak sodat jy op die lang duur God se opdrag en missie aan jou kan uitvoer dan moet jy dit kan doen.

Maar moet nooit vergeet dat die lewe oor verhoudings gaan en oor liefde nie.

Al die voorsiening in die wêreld kan nooit opmaak vir ’n ma of ’n pa wat nie ’n intieme konneksie met hulle kinders het nie.

Rom. 12:3 “…sê ek aan elkeen van julle dat jy nie jouself moet oorskat nie, maar dat jy jouself nugter moet beoordeel volgens die geestelike toerusting wat God aan jou toebedeel het.”  NLV

 

Hoekom is jy hier op aarde?

Is dit om geld te maak?  Is dit om prestasies te lys?

Ek dink ons is hier omdat God ons wil gebruik in Sy koninkryk.

Is dit sodat ons genoeg kan bymekaarmaak vir ons oudag?

Nee, ek dink dit is dat Hy van ons sy dissipels wil maak en wil gebruik om ander mense Sy dissipels te maak.  Ons primêre roeping is eerstens om God se kinders te wees.

 

Jy sien, vir ’n dissipel van Jesus is dit nie meer: “Waar is die beste moontlikhede vir my beroep? of “Waar kan ek die meeste geld maak?” nie.

Iemand wat hulle lewe rondom hierdie dinge bou sal altyd teleurgesteld wees wanneer hulle dit bereik of dit dalk nooit bereik nie.

 

Maar as jy vra:  Wat is God se wil vir my hier waar ek nou is?  Wat het God in my hand gesit om vir Hom te doen?  Wat is Sy agenda vir hierdie wêreld?

Dan sal ek al my hoop in Hom plaas.  Dan sal ek uitvind dat Hy die bron van Hoop is en nie my sekuriteit of werk nie.

 

Hy gee elke liewe een van Sy dissipels ’n doel.  Nooit raak ek verveeld as ek in Sy diens staan nie.  Hy is by jou lewe betrokke met ’n plan en doel.

Hy het vir jou ’n geseëlde koevert gegee wat jy moet oopmaak met jou opdrag.  En hierdie opdrag is iets wat jy moet ontdek en weer ontdek en foute maak en weer ontdek.

Maar met tyd sal jy God se handskrif op jou lewensbrief ontsyfer en agterkom wat Hy van jou vra.  En dit wat Hy van jou vra sal nie swaar of moeilik vir jou wees nie.

Nee, dit sal soos energieselle in jou lewe wees.  Dit sal jou laat lewe.

Dit sal jou daardie ‘AHA’ gevoel gee.  Die gevoel dat ek hiervoor gemaak is.

Eph. 2:10  “For we are His workmanship (masterpiece), created in Christ Jesus for good works, which God prepared beforehand that we should walk in them.”  NKJV

Jy is Sy meesterstuk.  As jy weer dink, maar ek is nie goed genoeg nie.  Ek kan nie iets so goed doen soos iemand anders nie.  Bely Efes. 2:10  “For I am His masterpiece.”

Ons Bou 2015 – Ons bou ‘n lewe van gehoorsaamheid

/in , , /by

[powerpress]

Verlede jaar het ons as gemeente in gehoorsaamheid ‘n reuse stap van geloof geneem. Met die Ons Bou – elke druppel tel – veldtog het ons in gehoorsaamheid begin om te bou en geld in te samel vir die gebou.  Die Here het vir ons as gemeente ‘n opdrag gegee in:

Nehemia 2:18    “Ek het hulle toe vertel hoe my God sy goeie hand oor my gehou het en wat die koning vir my gesê het.  Hulle het gesê: “Kom ons bou!” en hulle het die goeie werk aangepak.”

Verlede jaar April het ons die goeie werk amptelik aangepak.  Die van julle wat hier was sou onthou het dat ons gesê het dat ons as gemeente ‘n fase 1A wil aanpak wat ongeveer R8.5 miljoen rand gaan kos.  Die projeksies was dat ons die geld met die Here se hulp oor ‘n 2 jaar tydperk sou insamel.  Ter selfde tyd het ons gesê dat ons met geld wat gespaar is in die verlede en dit wat ons glo ons kan insamel, so R6.5 miljoen kan insamel.

 

Dit het ons met ‘n tekort gelos van 2 miljoen oor die 2 jaar tydperk.  Wel, hier is ons vandag 13 maande later en ons staan op 52% van daardie bedrag; wat beteken dat daar reeds meer as R4 miljoen ingekom het in hierdie jaar.

Dit is ‘n wonderwerk!  In vandag se tye is dit ‘n reuse wonderwerk! Alle eer aan die Here.

Ons het ook gesê dat ons nie aanhoudend gaan terug kom na die gemeente toe met fondsinsamelings inisiatiewe nie.  Ons gaan ‘n 2 jaar commitment maak en dit weer re-commit na ‘n jaar.  Ons kan nie met Basaars, pannekoeke en ander inisiatiewe verwag om sulke groot bedrae in te samel nie.  Daarom is ons nou 13 maande later besig met ‘n 2015 weergawe van Ons Bou – elke druppel tel.

Intussen gaan die bouwerk voort – hierdie week wat kom gaan hulle met ‘n hyskraan die staal van die dakkappe oprig en die tenders vir die bouwerk sal voor die einde van die maand uit wees.  Sommige van ons dakmateriale word ingevoer en dit is ook Vrydag op ‘n skip gelaai, en is op pad na Suid-Afrika toe.

 

‘n Mens romantiseer baie keer ‘n opdrag of ‘n roeping wat jy van die Here ontvang.  Ek weet ek doen, dit is exciting.  Mens voel jy is deel van iets groot.  Jy kry ‘n ervaring dat die Here saam jou in hierdie opdrag is en die aanvanklike opwinding is iets wat ons mens gryp en met jou loop.

Soortgelyk het baie van ons al begin om ons roeping uit te leef en in die begin is dit opwindend maar later raak dit moeilik om die commitment vol te hou. Veral as die opdrag wat jy ontvang het, moeilik is en nogal baie opofferings van jou vra.  Jeremia was so iemand.

Jeremia – is ’n jongman, meeste skat hy is in sy laat tiener jare, so 17-18 jaar oud.

Jer. 1:7-8  “Jy moenie sê: “Ek is te jonk” nie.  Jy moet gaan na wie toe Ek jou ook al stuur, en alles wat Ek jou beveel om te sê, moet jy sê. Moenie vir hulle bang wees nie, want Ek is by jou, Ek sal jou red. Dit is wat die Here gesê het.”

Jeremia is bietjie huiwerig en hy wonder:  teen wie gaan die Here my red?  Hoe moeilik gaan hierdie geveg wees?  Hy het allerhande vrae.  En Jeremia is jonk en avontuurlustig en God sê ek sal jou red, jy hoef nie bang te wees nie.

 

Hy besluit om die offer te aanvaar en begin te werk in die Here se diens as profeet.

So vinnige voetnota:  Party van ons sal die dag onthou, die plek onthou dalk selfs die preek onthou toe ons uitgedaag is om ’n opdrag van die Here te aanvaar en iets in jou sê ‘ja’ en jy besluit, ek is in.  Ek is heeltemal in van hierdie dag verder.  Ander kan dalk nie die spesifieke geleentheid onthou nie, want dit het meer as ’n proses gebeur.

 

So gee God vir Jeremia sy spesifieke opdrag.  En dit is nie ’n maklike opdrag nie.  Sy opdrag is om die draer van slegte nuus te wees.  Verskriklike slegte nuus.

Die Here wil hê die jong Jeremia moet van dorpie na dorpie gaan en aankondig:  “Omdat julle God vergeet en nie luister na Hom nie, omdat hulle die weduwees en die wat nie vir hul self kan sorg nie, vergeet het, gaan vyandige nasies inkom julle vernietig en wegvoer na vreemde lande toe.”

Hoe sou jy daarvan hou om die draer van nuus soos hierdie te wees?

Hoe sou jy daarvan hou om elke dag aan deure te klop en vir wie ook al oopmaak sê, “Môre mevrou, dit behoort net so oomblik te neem.  Slegte goed gaan met julle gebeur, God het genoeg gehad van julle ongehoorsaamheid, alles gaan van hier af sleg met julle gaan, geseënde dag verder…”

Maar dit is presies die tipe boodskap wat Jeremia moes oordra.  Nie vir twee of drie mense nie, maar elke dag, heeldag lank, vir maande en maande.

Soos jy jouself kan indink het Jeremia se gewildheid aan aansien as tiener so bietjie skade gely.  En as hy in die straat afgekom het, het mense vir Hom gesê, ons ken jou storie, gaan verby, ons het nie tyd vir jou ‘doom en gloom’ nie.

Wie dink jy is jy?  Raak weg.  Dit het so bietjie van ’n effek op Jeremia gehad.  Hy het geweet God het hom hierdie opdrag gegee maar die opdrag is was belaglik.  Om gehoorsaam te wees aan die Here is nie altyd ‘n maklike taak nie.  Veral as dit jou gemak wegneem en jou beeld laat skade lei.  Toe kom God na hom toe en sê iets baie vreemd vir hom daar in Jeremia 19.

God sê gaan na ’n pottebakker toe en koop ’n groot pot en dra dit saam met jou rond.  Daarna moet jy wag tot daar ’n groot groep mense bymekaar is en dan moet julle funksie onderbreek en vir hulle vertel wat Ek vir jou gaan sê.

En wanneer die groot skare bymekaarkom en jy maak hulle stil om na jou te luister, raai wat moet jy doen met hierdie groot pot wat jy ronddra?

Kyk wat sê die Bybel?

Jer. 19:10-11      “Jy moet dan die pot breek voor die oë van die mense wat met jou saam is, en jy moet vir hulle sê: So sê die Here die Almagtige: Soos hierdie kleipot gebreek het en nie heelgemaak kan word nie, so sal Ek hierdie volk en hierdie stad breek.”

Dink net jouself in vir ’n oomblik.  Wat as ek hier staan vanoggend en ek sê vir julle met ’n pot in my hande:

Ons het julle gevra vir komberse vir die armes en wat doen julle?  Julle vergeet.  Nog net 20 komberse het ingekom.  Ek het julle gevra vir gevriesde kosbakkies.  En wat doen julle?  Julle laat die armes honger gaan slaap.

En ek breek hierdie pot en ek sê vir julle, dit is wat die Here sê, Hy gaan dit met julle doen.

Kyk, ek dink helfte van julle sal nie volgende Sondag weer terugkom nie.

 

Jeremia is nie ’n dom nie, hy het presies geweet wat gaan gebeur as hy dit sê.

Hy sê vir God, hulle gaan nie hiervan hou nie!  Maar hy is so halfpad in die ding en voel hy moet dit nou maar deursien en nadat hy dit gedoen het, was die mense woedend oor sy optrede.

Voor die stukke opgetel kon word; het ’n groep manne hom eenkant geneem en hom geslaan tot ’n hy byna dood is.

As dit nie erg genoeg was nie, maak hulle hom vas voor die ingang van die stad sodat mense wat in en uit die stad kom, hom in die gesig kan slaan en spoeg en sê, bly stil Jeremia!  Genoeg is genoeg.  Ons het nou genoeg van jou gehad.

 

Later word Jeremia vrygelaat en Jeremia gaan feitlik van sy kopaf.  Hy raak woedend nie vir die mense wat hom vasgemaak of geslaan het nie, hy raak van sy kopaf van woede vir God.  Luister wat hy sê, van die sterkste taal wat enigiemand in die Skrif vir God ooit sê:

Jer. 20:7-8          “Here, U het my omgepraat en ek het my laat ompraat. U is baie sterker as ek, U het my oorweldig. Nou bespot hulle my heeldag, almal lag vir my.  As ek praat, moet ek elke keer net uitroep: “Geweld en vernietiging!” Die boodskap wat die Here vir my gegee het, veroorsaak dat almal my aanhoudend spot.”

Om gehoorsaam te wees aan God se opdrag is nie maklik nie.  Nadat hy dit van sy bors af het vertel hy vir God hoe hy werklik voel oor sy opdrag.

Jer. 20:14-16     “Ek verwens die dag wat ek gebore is! Mag niemand my geboortedag ooit as gelukkig beskou nie.  Ek verwens die dag toe iemand vir my pa die nuus gebring het: “Geluk, jy het ‘n seun!”  Mag dié man wees soos die dorpe wat die Here sonder genade vernietig het. Mag hy in die oggend weeklag hoor, en smiddags oorlogsgeskreeu omdat hy my nie voor my geboorte doodgemaak het nie. Ag, kon my ma se liggaam vir ewig my graf gewees het! Hoekom is ek ooit gebore om al die swaarkry en pyn te sien? Moet ek my lewe lank vernedering ervaar?”

Dit is slegte dag vir Jeremia….?

Wat onderliggend lê aan die dinge wat hy hier sê is die begin van hierdie gedeelte.

Jer. 20:7    “U het my omgepraat en ek het my laat ompraat.”  “You pushed (misled, deceived) me into this, God, and I let you do it. You were too much for me. And now I’m a public joke.”  Message

Hy sê, “Ek het U geglo.  Ek was jonk en ek was gretig en naïef en U het dit gebruik om my te mislei vir hierdie verskriklike werk wat U vir my gegee het.”

“Ek voel mislei, in die rug gesteek en misbruik.  U het my bedrieg en ek kan nie sê hoeveel ek dit berou nie.”

 

Vraag:  Het jy al so gefrustreerd teenoor God geraak, dat jy afgegaan het teenoor God soos Jeremia het?

Net voor jy heilig begin raak en sê ‘nee’ ek sal nooit so iets doen nie.

Kan ek jou sê wat ek dink meeste mense doen i.p.v. afgaan teenoor God?

Hulle kry ’n moeilike opdrag en hulle gee eenvoudig op.

Hulle stap weg, hulle loop weg van die opdrag wat die Here vir hulle gegee het.

In stilte sê hulle, hierdie is te moeilik, en hulle blameer iemand anders of hulle dink ‘n verskoning uit hoekom hulle nie verder gehoorsaam hoef te wees nie.

 

Ons as gemeente is besig om ‘n gemeente te bou.  Ook ‘n kerkgebou te bou.

En in die begin is dit maklik want ons is opgewonde.  Maar dan kom die harde werk.

Dan kom die opofferings.  Dan kom vat hierdie gehoorsaamheid aan die vlees en dit raak vir ons moeilik om aan te hou met dit wat die Here vir ons gegee het.

 

Maar ek wil vir jou sê dat ‘n opdrag of roeping van die Here iets kosbaar is.  Om iets vir die Here te doen wat op geslagte na jou nog ‘n impak gaan maak is nie klein nie.

Ek dink partykeer ons ag dit wat die Here vir ons gegee het om vir Hom te doen te gering.

Hoe bevoorreg ons is om hierdie opdrag van die Here gekry het om vir Hom ‘n kerk te bou nie.  Hierdie tipe opdragte kry mens net 1 of 2 keer in jou lewe.

Nou, Jeremia se metertjie (julle weet watter een) is in die rooi verby soos wat hy kwaad vir God is.  Hy is verneder ens., maar let op wat hy NIE DOEN NIE.

Hy gee nie op nie.  Hy stap nie weg nie.  Inteendeel, as hy daaraan dink dat hy wil opgee dan kom hierdie woorde by hom op:

Jer. 20:9    “And I can’t stop! If I say I’ll never mention the Lord or speak in his name, his word burns in my heart like a fire. It’s like a fire in my bones! I am weary of holding it in!”  NLT

 

Wat hy sê, is iets wat enige ware volger van Jesus sê:  Die enigste ding wat erger is as om iets wat moeilik is vir die Here te doen, is die opsie om weg te stap en te besef dat Hy jou meer gebruik nie.

Die ongelukkigste mense op aarde dink ek is die wat dit gesmaak het om deur God gebruik te word en dan wegstap en niks met Hom te doen wil hê nie.

Moenie dat dit jy wees nie.

Moenie ’n ‘onthou-jy-die-dag’ persoon wees nie.  Onthou toe ons…  en dan praat jy van iets vêr in die verlede asof dit nooit weer kan gebeur nie.

Wat van vandag?  Wat van môre?

Doen eerder wat Jeremia gedoen het, gaan af teenoor God, word miskien kwaad vir Hom, omdat dinge nie werk soos jy dit graag wil hê nie en dan… begin dink hoe jy dit sal mis om vir die Here iets te doen.  Begin dan weer waar jy opgehou het soos Jeremia.

Doen die laaste ding wat Hy vir jou gegee het om te doen.

 

Jer. 20:13 “Sing to the LORD! Praise the LORD! For though I was poor and needy, he rescued me from my oppressors.”

Dit is amper of Jeremia in die spieël kyk nadat hy geslaan is en hy sê, sjoe, ek lyk sleg, hulle het my lelik geslaan, het so paar knoppe MAAR ek leef nog, ek het nog my arms en my bene, ek het nog ’n stem.

Miskien is ek beskerm soos die belofte met my roeping in die begin was, miskien moet ek sing ‘how great is thou faithfulness’ in plaas daarvan dat ek ’n bedankingsbrief begin uitskryf.

 

Raai wat gebeur met hom, net na hierdie verskriklike pak slae wat hy gekry het en hy pimpel pers geslaan is?  Julle almal sit nè?

Hy tree net aan, vir sy volgende opdrag van God af.  Hy bid ’n gebed en sê Here, kom ons doen dit weer.  Ek is reg.

Hy is so effens minder naïef die keer, hy weet deur gehoorsaam aan God te wees beteken dat hy soms wil opgee langs die pad, maar hy maak net weer ’n ‘commitment’.

 

En wat gebeur?  Nog teenstand kom.  Hy hou aan om die boodskap wat die Here vir hom gegee het te verkondig en hulle raak weer geïrriteerd met hom en die keer wil hulle hom vir altyd stilmaak.  Lees maar in Jer. 38.

Hulle soek ’n ou put wat nie meer water in het nie, net modder en hulle gooi hom daarin.  Hulle maak dit toe en los hom daar om van die honger en koue te sterf.

Hy moes seker by homself gedink het, rondte twee, dit gaan soveel beter…? (Sarkasties)

Hy doen net wat God vir hom gevra het om te doen en kyk waar bring dit hom?

Ek dink hier is die oomblik wat Jeremia besef het, dat dinge dalk nooit beter sal raak nie.  Vir hom om gehoorsaam te wees aan sy opdrag gaan nooit groot sukses hê nie, gaan dalk nooit groot deurbrake hê nie, daar gaan nie ’n herlewing kom nie.

Kan jy jou indink dat al beloning wat jy kry, is die feit dat hy gehoorsaam is aan die Here.

Hoe moeilik moet dit nie wees nie?  Ek weet van mense wat in dele van die wêreld werk waar hulle in hul leeftyd dalk nooit ’n groot deurbraak sal sien nie.

Hulle missie is soveel moeiliker as wat myne en joune is.  Die struikelblokke en opofferings wat hulle families moet maak om vir God te werk is ’n 1000 x meer as wat ek en jy ooit sal maak.

 

So hier is Jeremia in die put en hy dink dat hy seker hier gaan sterf, maar toe kom ’n regerings verteenwoordiger in die nag en laat hom vry.

En wat dink jy doen hy volgende?      Sekerlik dink mens, nou sal hy sy les geleer het.

Sekerlik sal jy nou wegstap van hierdie belaglike opdrag om te wat die Here vir Hom sê. Net ’n totale mal mens sal nog aangaan en aanmeld vir rondte 3.

 

Reg?  Noem dit wat jy wil.  Hy gaan terug na God toe en sê rondte 1 was nou nie my beste nie, rondte 2 was nie eintlik beter nie.  Maar ek sal aanhou om U woorde te vertel, ek sal nie opgee op die missie wat U vir my gegee het nie.  U sê net waar en ek sal gaan.

En hy gaan uit vir ’n derde keer en verkondig die boodskap wat die Here vir hom gee.

 

Op die ou einde, het die voorspellings en waarskuwings van Jeremia waar geword.

’n Vyandige nasie het gekom, hulle oorweldig en alles vernietig.  Almal is ontvoer om slawe te wees vir geslagte wat sou volg.

Jeremia word saam met hulle weggevoer, hy kry nie ’n ‘kom gratis uit die tronk’ kaartjie nie.

Eendag in ’n vreemde land sit hy by ’n rivier en hy skryf ’n boek wat in die Bybel is: Klaagliedere.

 

In die middel van hierdie boek, sien ons ’n Jeremia wat oud en vol skrape is van sy gehoorsaamheid aan God.

Lamentations 3:21-26        “Yet this I call to mind and therefore I have hope: Because of the Lord ’s great love we are not consumed, for his compassions never fail. They are new every morning; great is your faithfulness. I say to myself, “The Lord  is my portion; therefore I will wait for him.” The Lord is good to those whose hope is in him, to the one who seeks him; it is good to wait quietly for the salvation of the Lord.”  NIV

Na ’n leeftyd van slegte dinge, teleurstelling en mislukking kry hy dit steeds reg om ’n mens te wees wat kan bely:  ‘Great is Thy faithfulness.’

Toe ek so twee weke gelede begin bid het vir vandag se diens, het hierdie boodskap by my opgekom.  Om enduit gehoorsaam te wees, is nie maklik nie.

Daar is baie wat uitgeklim het in die verlede en bitter by die huis sit.

Ek wil maar eerder dom genoeg wees om aan te tree vir ‘n 2e en ‘n 3de en ‘n 4de rondte.

Ek wil maar soos Jeremia wees wat gehoorsaam is, al is dit al beloning wat ek kry.

Maar ten minste weet ek dat God my gebruik vir die doel waarvoor Hy my op aarde geplaas het.

 

Ek wil nie krities en bitter raak nie.  Daar is genoeg sulke mense.

Ek wil maar eerder aantree as die Here nog uitdagings vir my het.

En een daarvan is ons bouprojek waarin ons betrokke is.

Van volgende week af gaan ons weer vir 2 weke bid en die Here vra om ons te lei in ons boufonds commitments.

Maklik is dit nie.  Maar die Here soek gehoorsaamheid meer as ons offers.

Hy soek ons.  Ons harte.  Ons toewyding.  Ons geloof in aksie.  Ons beskikbaarheid.

Goeie Vrydag 3 April ’15 – Mislukking

/in /by

[powerpress]

Hoe sou jy gevoel het as jy Petrus was?

“Nee, ek ken Hom nie.  Ek weet nie waarvan julle praat nie…”

Die vernedering, die selfverwyt dat die presiese ding wat jy gesê het, jy nie sal doen nie, dit doen jy.  Miskien het sy woorde: “Al sal hulle U ook almal in die steek laat, ék sal U nooit in die steek laat nie”  in sy kop oor en oor gemaal.

In hierdie kritiese oomblik toe jy jou Here en meester moet bystaan en verdedig dink jy net aan jou eie kop.  Wat ‘n mislukking.

 

Miskien het hy teruggedink aan daardie dag in Lukas 5:8 toe hy vir Jesus gesê het:

“Oh, Lord, please leave me – I’m too much of a sinner to be around you.”  NLT

Want hier sit hy vandag weer, en hy voel presies dieselfde.

‘n Mislukking.

 

Petrus het aan die einde van homself gekom.  Dit was seker die laagtepunt van sy lewe.

Wat meer is, kort daarna is Jesus gemartel, gekruisig en sterf Hy.

Alles wat vir Petrus kosbaar was tot op daardie stadium tuimel in mekaar soos ‘n gebou wat plat geskiet word.  Net stof.

Petrus die rots?  Eerder, Petrus die stof, die nikswerd, die mislukking.

Maar God wou gehad het Petrus moet tot op hierdie punt van sy lewe kom waar alles misluk het.  Mislukking is eintlik ‘n goeie ding.

Want arrogansie en selfvoldaanheid het nie ‘n kruis nodig nie.

Die Kruis het gekom omdat ons krag, ons eie Ekkige Ek nooit goed genoeg was nie.

Nadat Jesus opgestaan het uit die dood het Hy ‘n paar keer aan sy dissipels verskyn maar hulle het Hom aanvanklik nie herken nie.

Eers die derde keer toe Hy aan hulle verskyn het, het hulle Hom erken.

Dit is met hierdie derde verskyning van Jesus wat Hy weer direk met Petrus praat.

Die opskrif in die NLV is:  Petrus ontvang sy lewensopdrag.

Dis amper of daar nog te veel van Petrus se eie-ek was en Jesus hierdie lewensopdrag vir hom eers kon gee nadat Hy so ontsaglik misluk het.

 

Johannes 21:15-17,19

“Toe hulle klaar ontbyt geëet het, vra Jesus vir Simon Petrus: “Simon, seun van Johannes, het jy My lief, meer as hierdies?” Petrus sê vir Jesus: “Ja, Here, U weet dat ek U liefhet.” Jesus sê vir hom: “Gaan versorg my lammers.” Jesus vra hom toe ’n tweede keer: “Simon, seun van Johannes, het jy My lief?” “Ja, Here, U weet dat ek U liefhet,” antwoord Petrus. Jesus sê vir hom: “Wees ’n herder vir my skape.” ’n Derde keer vra Jesus hom: “Simon, seun van Johannes, het jy My lief?” Petrus het hartseer geword omdat Jesus hom ’n derde keer gevra het: “Het jy My lief?” en hy antwoord Jesus: “Here, U weet alles. U weet dat ek U liefhet.” Jesus sê vir hom: “Gaan versorg my skape. Ek verseker jou, toe jy nog jonger was, het jy self jou klere vasgegordel en het jy rondgegaan waar jy ook al wou; wanneer jy egter oud is, sal jy jou hande uitstrek en iemand anders sal jou klere vasgordel en jou bring waar jy nie graag sal wil wees nie.” Dit het Jesus gesê om te sinspeel op die soort dood waarmee Petrus God sou verheerlik. Nadat Hy dit gesê het, sê Jesus vir Petrus: “Volg My as my dissipel!” NLV

 

Dit is interessant hoe Jesus Petrus benader met hierdie ontbyt.

Hy kon so maklik gesê het: “Ek het op jou gereken Petrus, van al die dissipels het Ek gedink jy sou by my staan.”

Nee, i.p.v. dit sê Jesus, “Simon, seun van Johannes, het jy My lief?”

Maar dit is amper of Jesus weet dat Petrus partykeer twee monde het en net een oor om te luister en dan herhaal Jesus sy vraag 3 maal.

Want drie is mos Petrus se nommer.  Drie keer het Hy Jesus verloën, en drie keer vra Jesus hom of hy Hom lief het.

En mens kry die idee dat Jesus dan Petrus se aandag het.  En Petrus is effens seergemaak deur die herhaling van Jesus se vraag.  Dan sê Petrus:

“Here, U weet alles. U weet dat ek U liefhet.”

Ek dink hierdie gedeelte het alles te doen met Petrus se mislukking wat vasloop in ‘n God wie se genade net onbeskryflik groot is.

Hoe dan anders – sou enige van ons so teenoor Petrus, die verloënaar opgetree het?

Nee, Petrus jou verloëning was eintlik ‘n goeie ding.  Dit het jou laat besef dat jy in jou eie krag niks is nie.  Nie eers jou beste poging was goed genoeg nie.

Maar dit het jou hart oopgemaak dat die stroom van genade oor jou uitgegooi kon word.

Dit het jou vrygemaak om onder God se genade dinge te doen nie vir Sy aanvaarding nie maar omdat Hy jou aanvaar het.

 

Wanneer jy misluk het, Petrus – is die vraag of jy God se liefde kan raaksien in die kruis?

Kan jy God se daad van genade raaksien wat jou wil optel vanoggend waar jy is.

Ons definisie van liefde is ‘n sterk gevoel vir iemand.

Jesus se definisie van liefde is gehoorsaamheid.

Joh. 14:15          “As julle My liefhet, sal julle my opdragte uitvoer.”  AFR83

 

Daarom gee Jesus vir Petrus ook drie keer ‘n opdrag:  “Versorg my lammers, wees ‘n herder vir My skape, versorg My skape.”

Hoe kom ek terug van mislukking?  Ek raak besig met die dinge waarvoor God lief is.

Sy kinders, Sy skape, Sy mense.  “Community” met ander gelowiges, nie onttrek myself en kry myself jammer in ‘n hoekie nie.

Maak jou lewe ‘n toonbeeld van genade en vergifnis.  Ook self-vergifnis soms vir dit wat jy gedoen het in jou swakheid en dommigheid.  As Jesus my dan vergewe, om myself nie te vergewe nie maak ek myself net weer belangriker as Hy.  Hy is Skepper, Seun van God.  Hy maak vry.  Wie is ek dan om nie vry te maak nie?

 

Wat het Jesus gedoen toe Hy op die kruis vir jou en my gesterf het?  Hy het God verheerlik.  Petrus, wie misluk het (glad nie soos sy Meester nie) kom so terug van sy mislukking af en maak so groot impak met sy lewe verder, dat Sy dood ook God verheerlik toe hy gekruisig is.

God se genade is meer geïnteresseerd in waarheen jy gaan as waarvandaan jy af kom.

Jy kan so terug kom van mislukking af en so groot impak maak dat jy selfs God kan verheerlik deur die manier waarop jy sterf.

 

Mislukking met al sy verbuigings is ‘n pynlike kragtige woord.

Maar kan ek ‘n nog twee meer kragtige woorde vir jou voorhou:  Vergifnis en Genade.

En dit sien ek net as ek soos Paulus kop-aan-kop in Jesus Christus die Verlosser vasloop

Gal. 1:16   “Later het God sy Seun, Jesus Christus, aan my bekend- gemaak. Van daardie oomblik af het my hele lewe verander.”  Boodskap

My gebed vir jou is – dat hierdie oomblik vandag, jou lewe sal verander.

Omdat die dood van ons Here Jesus Christus vandag vir jou dalk ‘n nuwe betekenis gekry het en omdat jy dalk opnuut of vir ‘n eerste keer bewus geraak het van Sy vergifnis en genade wat onbeskryflik groot is.

Ek wil vandag vir jou sê:  “Kom by die genade van Jesus jou Redder uit.”

Want dit is genade wat vrymaak.  Dit genade wat sê, jy is reeds goed genoeg.

Dit is genade wat sê, jy hoef nie jouself te bewys nie.  Dit is genade wat sê, jy kan maar swak wees, jy kan maar misluk, want die Een in wie jy glo is die Een wat nooit misluk het nie.  En Sy vergifnis en genade gee Hy onvoorwaardelik aan jou.

Vereenvoudig jou lewe – Skedule: Wie wil jy graag wees?

/in , , /by

[powerpress]

Verlede week het ons gekyk na die EEN ding wat ons nodig het om ons lewe te laat werk en ook om ons lewe te vereenvoudig.  As jy dit gemis het, gaan luister asb. daarna.

Ons het hoofsaaklik gekyk na Lukas 10 met Marta en Maria.

Ons het ook hierdie (prent) emmer gehad wat ons geestelik emosionele emmer is.

Ons het gesê, as jou emmer vol is.  Dan voel dit of jou lewe reg werk, jy bid jou beste gebede, jy voel connected met mense, jy ervaar die Here se teenwoordigheid soveel beter.

 

Maar as jou emmer leeg is, dan is dit of jy gou kwaad word, jy voel nie naby aan mense nie, die Here en jou lewe voel so vêr van jou af.

En toe het ons gekyk na ‘n paar dinge wat jou kan help om jou geestelik, emosionele emmer weer vol te maak.

Vandag gaan ons verder om ons besige lewens bietjie te vereenvoudig en ons siele te unclutter van die dinge wat ons tyd steel.

 

Ons wil die woorde: Ek is oorweldig, ek is uitgeput, ek is besig, uit ons woordeskat haal met hierdie reeks en die lewens leef wat Jesus ons uitnooi om te leef.

Ons het ook verlede week gesê dat ons probleem nie noodwendig ons besige programme is nie maar eerder ons besige siele wat nooit tot rus kom nie.

 

So jaar of wat gelede het ons ‘n nuwe troeteldier gekry, ‘n kat.

Een middag besluit ek om gou by die huis te stop vir middagete voor ek jaag na my volgende afspraak toe.  Vinnig iets geëet en daarna weer in die kar geklim om te jaag.

So kilometer van die huis af hoor ek net ‘n sagte meaouw wat van my kar se enjin af kom.

Ek dog toe ek verbeel myself en ek ry toe verder.  Toe ek die derde meauw hoor oor die radio, dog ek dat ek dalk maar moet stop en kyk of daar nie iets fout is in my enjin nie.

Tot my verbasing sit ons gesin se baba kat op die enjin nadat ek seker 2km van huis af met hom gejaag het.  Hy moet verseker 9 lewens hê want daardie dag het hy sommer ‘n paar van hulle reeds verloor.  My spoed en haastigheid kon sy lewe gekos het.

 

Die van julle wat my goed ken weet ek is baie stadig van geaardheid en jaag nooit iewers heen nie.  🙂 Maar ek leer elke dag meer dat spoed ons vyand is.

Spoed maak dood is dit nie?  Ek is oortuig dat die spoed van ons lewens ons dood maak.

Miskien nie fisies nie, al is meeste van die groot siektes van ons tyd direk gekoppel aan ons lewenstyl, maar emosioneel, verhoudings, geestelik, finansieel?

En die teks wat ons vanoggend al gelees het, daardie unforced rhythms of grace, to live freely and lightly is iets wat nie eers in jou verwysingsraamwerk bestaan nie.

 

Wat is spoed besig om dood te maak in jou lewe?  Waar in jou lewe is jy besig om te sukkel om te oorleef? Kwaliteit tyd saam met jou man of vrou gebeur nie as jy te vinnig leef nie. Goeie besigheidsbesluite gebeur nie wanneer jy jaag na die volgende afspraak nie.

Betekenisvolle gesprekke met God gebeur nie wanneer jy konstant oormoeg is nie.

 

So vernederend as wat ek dit vind moet ek erken dat my lewe met stadiums al absolute choas was a.g.v. besluite en die spoed waarteen ek gelewe het.

Gelukkig het ek 9 jaar gelede totaal en al uitgebrand en depressie gekry om my te leer dat ek die pas van my lewe beter moet dophou en meer bewustelik en stadiger lewe.

Maar as ek na baie ander se lewe kyk dan sien ek dieselfde dinge wat ek in myself gesien het op ‘n stadium toe my werk my hele lewe oorgeneem het en ek konstant probeer het om beter te perform sodat ek goed sal lyk in ander mense se oë.

 

Eksodus 33:7-17  NLV

“Moses het ’n tent ’n hele ent weg van die laer af opgeslaan. Hy het dit “die ontmoetingstent” genoem. As iemand by die Here raad gesoek het, het hy na die ontmoetingstent buite die kamp gegaan. 8 Wanneer Moses uit die kamp na die tent toe gegaan het, het al die mense by die ingang van hulle tente gaan staan. Hulle het Moses agternagestaar tot hy in die tent van ontmoeting ingegaan het. 9 Die oomblik wanneer hy die tent binnegegaan het, het die wolkkolom afgesak. Dit het oor die deur van die tent bly hang terwyl die Here daar met Moses gepraat het. 10 Wanneer die volk die wolkkolom oor die tent se deur sien hang het, het hulle opgestaan en by die ingang van hulle tente gekniel om die Here te aanbid. 11 Binne-in die tent het die Here met Moses gepraat soos vriende wat gesels en mekaar in die oë kyk. Wanneer Moses daarna weer na die kamp toe teruggekom het, het Josua die seun van Nun wat hom gehelp het, daar agtergebly. Hy het nie van die tent af weggegaan nie. 12 Op ’n keer het Moses vir die Here gesê: “U het vir my gesê om hierdie volk te lei na die land wat U aan hulle beloof het. U het egter nooit vir my gesê wie U saam met my gaan stuur nie. U het wel vir my gesê dat U my baie goed ken en dat ek u goedkeuring wegdra. 13 “As dit dan so is, sê asseblief wat u planne is sodat ek kan weet wat U van my verwag. Hierdie mense is tog u eie volk.”14 Hy vra toe vir Moses: “Moet Ek dan self saamgaan sodat jou hart kan rus?”15 Moses sê vir Hom: “As U nie self saamgaan nie, moet U ons nie eers ’n tree van hier af laat beweeg nie. 16 As U nie saam met ons gaan nie, waaraan sal dit duidelik wees dat U vir my en u volk lief is? Hoe anders sal dit duidelik wees dat U anders oor ons voel as oor die ander volke op aarde?”17 Die Here het vir Moses geantwoord: “Goed, Ek sal doen wat jy gevra het. Jy dra my goedkeuring weg. Jy is my vriend.”

 

Die konteks van hierdie stuk is dat God vir Moses gevra het om in ‘n leiersposisie op te tree vir Hom.  God wou ‘n tabernakel vir sy mense bou, ‘n plek waar sy teenwoordigheid kon wees.  God het gedink dat Moses hierdie projek moes lei.

Die opdrag kom NADAT Moses sy roeping van die Here gekry het.

 

Nadat die Here die 10 plae gestuur het.  Nadat die Here hulle bevry het.

Nadat die Here die Rooi see oopgemaak het en die Egiptenare laat verdrink het.

Nadat die Here ‘n verbond met hulle gesluit het en hulle Sy volk gemaak het.

Moses het nogal baie ervaring gehad om saam met God te werk en nou hier in Eks. 33 het hy net een vraag vir die Here: Sal U teenwoordigheid nog steeds saam met my wees?

Eks. 33:14          “Hy vra toe vir Moses: “Moet Ek dan self saamgaan sodat jou hart kan rus?”

 

Moses was altyd gehoorsaam en het die Here se guns op hom gehad.

Maar hier toe hy die tabernakel moet bou en hy die grootste toets het van sy leierskap het hy ‘n saak om met die Here uit te maak.

Ex. 33:12-13      “Moses said to GOD, ‘Look, you tell me, “Lead this people,” but you don’t let me know whom you’re going to send with me. You tell me, “I know you well and you are special to me.” If I am so special to you, let me in on your plans. That way, I will continue being special to you. Don’t forget, this is your people, your responsibility.’”  Message

 

Moses voel uit sy diepte.  Of op die minste bang tot in sy tone.

Hy wil nie ‘n tree gee as hy nie so te sê ‘n waarborg het dat die Here saam is nie.

 

1.  Beweeg saam met God

Moses is heel duidelik meer besorg oor die Here se wil as oor sy eie wil.

Ons sien Moses praat met God van aangesig tot aangesig. Soos twee vriende.

Daar is diepte.  Daar is baie tyd saam gespandeer.  Daar is intimiteit.

Dan sien ons Moses het ‘n tent van samekoms opgesit waar die Israeliete kon kom met hulle vrae en dinge wat hulle wou met hom bespreek.

Moses wou die wysheid en vrede wat Hy gehad het aan die Israeliete oordra deur die tent van samekoms.  Moses het hulle uitgenooi om te kom en hulle het weggebly.

 

Die volk het nie die intimiteit gehad met God wat Moses gehad het nie.

Miskien soos party van ons het hulle gedink hulle het ‘n beter plan.

Hulle het gedink dat hierdie soek na die “wil van God” is nou nie eintlik wat hulle voor tyd het nie.

Miskien was van hulle ouers wat hulle kinders moes homeschool en by al die aktiwiteite uit kry.  Miskien was van hulle besigheids eienaars wat dringende sake moes opvolg.

 

Miskien was van hulle studente wat take en werksopdragte moes uitwerk.

Miskien was van hulle so besig met hulle familie verantwoordelikhede dat hulle nie daaraan gedink het om by die tent uit te kom nie.

Wat ook al die rede was, hulle was te besig, glo dit as jy wil in die woestyn om by die tent van samekoms waar Moses was uit te kom.

 

Ek dink Moses het na die volk, die geliefdes soos die Bybel hulle genoem het, gekyk en hy was woedend binne in homself.  Ons weet net in die vorige hoofstuk 32 dat toe hy van die berg afgekom het was hy so kwaad dat hy die twee kliptafels met die wet op stukkend gegooi het.

Moses het hierdie ongelooflike oomblik met God gehad waar God self met sy vinger op die kliptafels geskryf het en met Hom gepraat het.

En wat kry Hy toe hy onder kom?  ‘n Goue kalf voor wie almal dans en aanbid.

Blykbaar het hulle so verveeld geraak terwyl hy weg was dat hulle dronk geword het, orgies gehad het, en metaal gesmelt het vir ‘n afgod.

 

Moses het eenvoudig genoeg gehad.  Hy het die kliptafels met die wet stukkend gegooi.

Hy het skoon gemaak. Ons sien in Eksodus 32:28 dat 3000 hulle lewens verloor het daardie dag.

Weet jy wat het hom so kwaad gemaak? Nie omdat hulle nie die wet gehoorsaam het nie.

Nie omdat hulle nie gedoen het wat hy gesê het hulle moet doen nie.

Hy was kwaad omdat hulle die “plot” verloor het.

 

Hy was kwaad omdat hy geweet het watter intimiteit daar tussen Hom en God was, en sy eie mense het gekies om hulle eie manier te volg.

Hy wou hulle leer van God se karakter en sy teenwoordigheid.

En wat doen hulle?  Hulle kies hulle eie begeertes en aanbid ‘n afgod.

As Moses vandag hier was sou Hy een ding gesê het, daar is niks wat kan vergelyk as om saam met God te beweeg.  Absoluut niks kan vergelyk daarmee nie.

 

Dink aan God se getrouheid oor jou lewe.  Sal jy dit wil verruil vir jou eie plan?

Dink aan alles wat God vir jou gegee het.  Sal jy dit wil verruil vir ‘n goue kalf?

Dit is presies wat die Israeliete gedoen het.

Dink aan al die seëninge wat jy van Hom ontvang het.

En tog gaan ons aan met ons gejaagde lewe om te dink dat Hy niks daarmee te make wil hê nie.  Ons is besig met die goed wat ons MOET DOEN dat ons reg verby God hardloop.

 

Ek dink Moses sou vandag vir ons sê, “Wil jy God se vriend word?  Sit elke dag tyd uit vir Hom.  Gesels met Hom gereeld.  Maak ‘n afspraak met Hom.

Moenie dat ENIGIETS in jou pad staan nie.  Ek dink hy sou sê, “Ek weet jy dink jou manier is beter.  Maar jou eie getuienis bewys dat dit nie waar is nie.”

Beweeg en leef saam met God, elke uur, elke minuut van die dag.

 

Wanneer jy ‘n belangrike vergadering of gesprek het wat in jou dag gaan gebeur, wat doen jy?  Jy sy vir ‘n paar vriende of jou gesin, vandag 11uur.  Dink aan my, ek het daardie belangrike gesprek wat kom.  Bid vir my, dat die Here my wysheid sal gee.

Dit is presies wat Moses gedoen het.  Die grootste ding in sy lewe het voor hom gelê –

Hy moes ‘n aardse woning vir God bou.  En Hy sê vir God, “Ek gaan dit nie sonder U doen nie.  Nie een tree as U nie saam met my gaan nie.”

 

Eks. 33:15,17    “Toe het Moses vir Hom gesê: “As U nie self saamgaan nie, moet U ons nie van hier af laat wegtrek nie.  Die Here het vir Moses geantwoord: “Ook wat jy nou gevra het, sal Ek doen. Ek is jou goedgesind en Ek ken jou op jou naam.”

As dit jou nie laat voel, ek wil God ook so ken nie, dan ken jy God nog nie goed genoeg nie.  God vind plesier in ons, vriende.  Hy ken jou naam.  Hy wil hê jy moet Hom beter leer ken.

 

En wat doen ons?  “Here, ek moet net hierdie dinge gedoen kry.”

“Here, ek kan net nie vroeg in die oggend opkom nie.”

“Here, dinge gaan so rof by die werk, ek kry nooit my werk klaar nie.”

Of sê ons, “Here, ek stap nie by hierdie deur uit vandag as U nie saam met my is nie.”

 

Jy sien vriende, ek dink ons skedules moet nie opgemaak word deur die dinge wat ons gedoen wil kry elke dag nie.  Want dit is hoe meeste van ons, ons skedule bepaal.

Ons dink aan al die goed wat ons gedoen moet kry sodat ons nie in die moeilikheid by die werk of by die huis gaan kom nie.

Ons TO DO lyste moenie ons skedule bepaal nie.

Eerder, WIE WIL JY GRAAG WEES / WORD?

 

As jy graag iemand wil wees wat God se stem ken en gehoorsaam, dan sal daar daagliks tyd op jou skedule moet wees al is dit net 15 min. om met Hom tyd te spandeer.

As jy graag ‘n ouer wil wees wat kinders in God se wil grootmaak, dan sal jy genoeg tyd met hulle moet spandeer sodat hulle ervaar hulle is belangrik in jou oë.

As jy graag ‘n meer gebalanseerde lewe wil leef, dan sal jy die dele van jou lewe wat te swaar weeg moet afskaal totdat die dinge wat vir jou eintlik belangrik is op jou skedule beland.

 

Ek weet dit klink baie maklik en jy dink nou, wel jy kan dalk jou goed reël soos jy wil maar ‘back in reality’ werk my lewe nie so nie.  Wel, dan wil ek jou herinner aan ‘n iets wat in jou lewe gebeur het te midde van ander realiteite in jou lewe.

Jy het verlief geraak toe jy ‘n voltydse werk gehad het – en raai wat, julle het vir ure gekuier.  Jy het kinders gekry terwyl jy reeds ‘n besige lewe gehad het – en raai wat, jy het tyd gemaak om hulle te voer, te bad, met hulle te speel.

Die dinge wat ons kies word vir ons belangrik.  Maak seker wat jy kies.

 

Wie wil jy graag word?

Watter aanpassings moet jy maak om daardie mens te word?

Dit is baie keer die klein besluite wat soos ‘n domino effek in ons lewens skep en al groter en groter impak het op ons toekoms. Wat is daardie klein domino besluit wat jy vandag moet maak?