• Emosionele Ondersteuning

Covid-19 Ondersteuning

  1. Skep ’n roetine.

Alhoewel meeste mense begin werk het, is dit steeds belangrik om met die “nuwe normaal” ook te deel. Staan op en gaan slaap dieselfde tyd elke dag. Indien jy nog steeds van die huis af werk is dit belangrik dat jy ’n begin en ’n eindtyd vir jou werk kry. Dit sal jou help om ’n “nuwe normaal” te skep en voorspelbaarheid terug te bring.

  1. Bly “connected” deur vriendskappe.

Al is tegnologie iets wat jy haat, sal jy moet aanvaar dat dit deel van die toekoms gaan wees en dat jy dit ook tot voordeel van jou kan gebruik. Doen moeite om uit te vind hoe dit met jou vriende gaan en laat weet ook vir mense hoe dit met jou gaan. Wees eg, moenie dink dat jy altyd alles perfek moet hê nie. Ons almal gaan deur moeilike dae, maak seker jy kan dit ook met iemand buite jou huis deel.

  1. Bly ingeskakel by jou geestelike familie.

Alhoewel ons nie soos voorheen dienste kan hou en almal fisies kan sien nie is dit tog belangrik dat jy kontak behou met jou geestelike familie. Moenie net ’n geestelike verbruiker word wat op ’n spyskaart van al die aanlyn kerk en hulpmiddels gebruik maak en nie iewers ook jou wortels neersit waar jy inskakel en “committed” raak nie. Ons sal nooit geestelik groei as ons net op ons eie is en God net beleef deur media en “aanlyn kerk” nie.

  1. Versorg jou liggaam.

Doen dinge wat jou beter laat voel en jou spanning en angstigheid sal verminder. Eet gesonde kos, kry genoeg rus, doen oefeninge of strek. Doen jou stil-word of asemhalingsoefeninge sodat jy van spanning ontslae kan raak. Beweeg jou liggaam en gaan buite toe indien dit vir jou moontlik is. Ons liggame het baie te doen met ons emosionele, geestelike en fisiese gesondheid.

  1. Beperk jou sosiale media inname.

Bly ingelig maar beperk die hoeveelheid tyd wat jy voor ’n rekenaar, TV-skerm of op jou foon is. Indien jy vir ure elke dag aan hierdie aktiwiteite deelneem, sal jou angstigheid begin toeneem. Stel vir jouself ’n gesonde doelwit wat media inname aanbetref en hou daarby.

  1. Oppas vir verslawende gewoontes.

Wanneer ons oorweldig voel of sukkel om dinge emosioneel te verwerk sal ons geneigdheid wees om iets te kry wat ons sal “troos” of sal help ontsnap. Ons almal het ’n swak punt en in onsekere of moeilike tye is ons veral kwesbaar om dinge te doen of te kry sal wat ons sal help om weg te kom van die moeilike realiteite. Kyk na jou eetgewoontes, jou kafeïen- en alkohol inname, jou aanlyn gewoontes, dinge wat maklik in verslawing kan oorsit. Moenie dink dat jy dinge “onder beheer” het en nie oor die afgrond sal gaan nie. Dit gebeur met die sterkste mense.

Meeste van die tyd kan ons die lewe se uitdagings op ons eie hanteer of met die hulp van vriende en familie. Daar is egter tye in ons almal se lewens wanneer jy hulp nodig het wat verby jouself en nabye verhoudings gaan. Dit is glad nie ’n teken van swakheid nie, dit is eerder ’n teken van iemand wat gesond wil wees of word en besef dat hulle ’n “helper” of “afrigter” nodig het sodat daar struktuur en verantwoordbaarheid is.

Aanduidings dat jy professionele hulp nodig het:

  1. Jy worstel om deur elke dag te kom en jou lewenslus en funksionering is drasties aangetas.
  2. Dit is vir jou moeilik om jou eie probleme te hanteer en jy voel oorweldig daardeur.
  3. Jou huidige hanteringsmeganismes (bv. alkohol, dwelms, ontvlugting) is destruktief en sal jou met tyd net vêrder in die moeilikheid bring.
  4. Jy is so oorweldig dat negatiewe emosies jou lewe feitlik die hele dag domineer.
  5. Jy voel meeste van die tyd hopeloos en het jou belangstelling in dinge wat jy geniet verloor.
  6. Jy ervaar baie meer verhouding spanning as wat daar gewoonlik is.
  7. Jy onttrek sosiaal en leef in jou eie wêreld of het gereeld stilstuipe of woede uitbarstings.

Gevoelens en gedagtes dat jy aan jouself of aan ander iets fisies wil doen, het onmiddellike aandag nodig. Vertel dit aan iemand maar moenie sulke gedagtes vir jouself hou en toelaat dat jy later net meer oorweldig en buite beheer voel nie.

SADAG Mental Health Line 011 234 4837

Dr Reddy’s Help Line 0800 21 22 23

Cipla 24hr Mental Health Helpline 0800 456 789

Pharmadynamics Police & Trauma Line 0800 20 50 26

Adcock Ingram Depression and Anxiety Helpline 0800 70 80 90

Dept of Social Development Substance Abuse Line 24hr helpline 0800 12 13 14

Suicide Crisis Line 0800 567 567

Akeso Psychiatric Response Unit 24 Hour 0861 435 787

Cipla Whatsapp Chat Line 076 882 2775

9 Tips om geestelik en emosioneel te oorleef tydens hierdie inperking (lockdown)

https://youtu.be/fk_WbNaneHo

Gesprek & Gebed

Ons het ’n span mense wat nie geregistreerde beraders is nie, maar toegeruste helpers. Dit is mense wat opleiding gehad het om met algemene emosionele probleme te werk. Hulle is mense met ondervinding en is ’n “oor” om te luister indien jy ondersteuning nodig het. Indien jy ’n afspraak wil maak met een van ons toegeruste helpers kan jy die vorm onderaan invul. Indien jy dalk ook ’n verwysing wil hê van ’n professionele berader of sielkundige wat vanuit ’n geestelike oogpunt hul werk doen, sal ons jou in kontak met een bring.

Vul die onderstaande vorm in om ’n gesprek te reël:

https://impetus.churchcenter.com/people/forms/125774

Ons sal jou binne 48uur kontak indien dit in ’n werksweek ingevul word.

Indien jy graag wil hê dat ons saam jou moet bid vir versoeke kan jy die onderstaande vorm invul. Wees verseker van konfidensialiteit tensy dit ’n algemene versoek is waarvoor almal kan bid.

Vul die onderstaande vorm in vir ’n gebedsversoek:

https://impetus.churchcenter.com/people/forms/113363

Ander ondersteuning en begeleiding

Geestelike begeleiers is mense wat jou help op jou geestelike reis. Dit is nie berading / mentorskap om antwoorde te kry op sekere dinge waarmee jy reis nie. Geestelike begeleiding is ’n reis saam met ’n persoon in jou geestelike lewe en jou pad saam met God. Dit is gewoonlik ’n afspraak wat gereeld gemaak word oor ’n tyd.

Die deel van jou eenvoudige lewenservarings op ’n gereëlde basis, kan ’n baie ryk bron van betekenis wees en om God se hand te sien en sy uitnodigings in jou lewe. Dit help ons ook wanneer daar onderskeiding nodig is en om te reageer op God se stem in jou lewe. Al ons geestelike begeleiers het twee jaar opleiding voltooi om mense geestelik te begelei.

Vul die onderstaande vorm in om ’n afspraak te reël in Port Elizabeth:

https://impetus.churchcenter.com/people/forms/139988

Lees meer oor Griefshare hier https://www.griefshare.org/

GriefShare is a friendly, caring group of people who will walk alongside you through one of life’s most difficult experiences. You don’t have to go through the grieving process alone.

It may be hard for you to feel optimistic about the future right now. If you’ve lost a spouse, child, family member, or friend, you’ve probably found there are not many people who understand the deep hurt you feel.

This can be a confusing time when you feel isolated and have many questions about things you’ve never faced before.

Register here for Griefshare in Port Elizabeth:

https://impetus.churchcenter.com/people/forms/96224

Lees meer oor DivorceCare hier https://www.divorcecare.org/

DivorceCare is a friendly, caring group of people who will walk alongside you through one of life’s most difficult experiences. Don’t go through separation or divorce alone. DivorceCare seminars and support groups are led by people who understand what you are going through and want to help. You will learn how to heal from the deep hurt of divorce and discover hope for your future.

Register here for DivorceCare in Port Elizabeth:

https://impetus.churchcenter.com/people/forms/139960

Liefde is ‘n goeie begin, maar ‘n wonderlike huwelik het meer nodig. Ons kan julle met ‘n mentor verbind om te ontdek hoe julle ‘n fondament kan bou vir ‘n sterk, standvastige huwelik.

Jy sal kontak maak met ‘n ervare mentor wat uit hul ervarings sal deel en julle ‘n persoonlike padkaart vir julle huweliksreis kan gee. Die mentorsessies help jou en jou verloofde om voor te berei op die huwelik deur die kerngewoontes van suksesvolle paartjies te bespreek. Die duur van die gesprekke is gewoonlik 6-8 weke.

Om te registreer vir voorhuwelikse mentorskap in Port Elizabeth:

https://impetus.churchcenter.com/people/forms/140005

Soms het ons nie raad wanneer dit by ouerskap kom nie. Elke kind is uniek en elke ouer-kind-verhouding is ook uniek. Deur ’n ervare mentor kan jy ’n klankbord kry in jou reis om ’n beter ouer te wees. Soms het ons net daardie “oor” nodig wat so bietjie kan help met hul ondervinding om self kinders groot te maak of op te voed.

Om te registreer vir ouerskap mentorskap in Port Elizabeth:

https://impetus.churchcenter.com/people/forms/140026

Refleksie Sirkel